Isaiah 31:3 — Compare Translations

2 translations compared side by side

ၵူၼ်းမိူင်း ဢေႇၵိပ်ႉတူႉ ၸိူဝ်းၼၼ်ႉ ဢမ်ႇပဵၼ်ၽြႃး၊ ပဵၼ်ၵူၼ်းလၢႆလၢႆၵူၺ်းဢေႃႈ။ မႃႉၶဝ်ၸိူဝ်းၼၼ်ႉၵေႃႈ၊ ဢမ်ႇပဵၼ်ဝီႉၺိၺ်ႇ၊ ပဵၼ်ၼိူဝ်ႉလၢႆလၢႆၵူၺ်းဢေႃႈ။ ယၢမ်းမိူဝ်ႈဢၼ်ထႃႇဝရႃႉၽြႃး၊ ယဵတ်ႇမိုဝ်းမၼ်းၸဝ်ႈၼၼ်ႉၸိုင် ၵေႃႉဢၼ်ၸၢင်ႈၸွႆႈထႅမ်မႃႉၸႃႉၼၼ်ႉ တၵ်းလူမ်ႉလႄႈ ၵေႃႉဢၼ်ၶၢမ်ႇတၢင်းဢၼ်ၸွႆႈထႅမ်မႃႉၸႃႉၼၼ်ႉၵေႃႈ တၵ်းသုမ်းဢေႃႈ။ ၶဝ်ၵႃႈမီးၼၼ်ႉ တၵ်းလႆႈႁွတ်ႈထိုင် တၢင်းဢၼ်လူႉလႅဝ်လူၺ်ႈၵၼ်ဢေႃႈ။-

ၵူၼ်းမဵဝ်း ဢေးၵျိပ်ႉ၊ ၸိူဝ်းၼၼ်ႉဢမ်ႇၸႂ်ႈၽြႃး။ ပဵၼ်ၵူၼ်းလၢႆလၢႆၵူၺ်းဢေႃႈ။ မႃႉၶဝ်ၸိူဝ်းၼၼ်ႉၵေႃႈဢမ်ႇၸႂ်ႈဝိၺိၺ်ႇ။ ပဵၼ်ၼိူဝ်ႉလၢႆလၢႆၵူၺ်းဢေႃႈ။ ယၢမ်းမိူဝ်ႈဢၼ် ထႃႇဝရႃႉၽြႃး၊ ယဵတ်ႇမိုဝ်းမၼ်းၸဝ်ႈၼၼ်ႉၸိုင်၊မဵဝ်းၵူၼ်းဢၼ်ႁႅင်းယႂ်ႇႁႅင်းၶႅင်ၼၼ်ႉတၵ်းလုလႄႈ၊မဵဝ်းၵူၼ်းဢၼ်ၶဝ်ၸွႆႈထႅမ်ဢၼ်ႁႅင်းလဵၵ်ႉႁႅင်းဢူၼ်ႈၼၼ်ႉတၵ်းသုမ်းၸွမ်းဢေႃႈ။ ၶဝ်တင်းသွင်မဵဝ်းတၵ်းလုလႅဝ်ဢေႃႈ။