Isaiah 44:23 — Compare Translations

2 translations compared side by side

ၽႃႉၵၢင်ႁၢဝ်ဢိူၺ်း၊ ႁဵတ်းၵႂၢမ်းတႃႉ။ ထႃႇဝရႃႉၽြႃး ႁဵတ်းဝႆႉယဝ်ႉယဝ်ႉ။ ၵႃႈတီႈတႂ်ႈလိၼ်မိူင်းၶဝ်ဢိူၺ်း၊ ဢွၼ်ၵၼ်ႁွင်ႉသႅၼ်ႇတႃႉ။ လွႆတင်းလၢႆ ဢိၵ်ႇတင်းထိူၼ်ႇ တင်းတူၼ်ႈမႆႉ ၵႃႈဢၼ်မီးၵႃႈၼႂ်းမၼ်းၶဝ်ဢိူၺ်း၊ ဢွၼ်ၵၼ်ၵိဝ်သဵင်ဢၼ်ဢိုၼ်းၵတ်းဢိုၼ်းယဵၼ် ၼၼ်ႉတႃႉ။ ထႃႇဝရႃႉၽြႃး ထုတ်ႇဢဝ်မဵဝ်း ယႃႇၵုပ်ႈ ယဝ်ႉ။ မၼ်းၸဝ်ႈတၵ်းႁႂ်ႈ မုၼ်ၽုင်းမၼ်းၸဝ်ႈ ထၢင်ႇသႃးၵွပ်ႈပိူဝ်ႈ မဵဝ်း ဢီႉသရေႇလႃႉ ဢေႃႈ။-

ၽႃႉၵၢင်ႁၢဝ်႟။ ဢွၼ်ၵၼ်ႁွင်ႉသႅၼ်ႇတႃႉ။ ၵႃႈတီႈတႂ်ႈလိၼ်မိူင်းၶဝ်႟။ ဢွၼ်ၵၼ်ႁွင်ႉသႅၼ်ႇတႃႉ။ လွႆလူင်တင်းလၢႆ၊ ဢိၵ်ႇတင်းထိူၼ်ႇတူၼ်ႈမႆႉတင်းလၢႆၶဝ်႟။ ဢွၼ်ၵၼ်ႁွင်ႉသႅၼ်ႇၸူမ်းၸူမ်းသိူဝ်းသိူဝ်းတႃႉ။ ထႃႇဝရႃႉၽြႃး၊ ၼႄပျႃးတၢင်းဢၼ်မၼ်းၸဝ်ႈယႂ်ႇမျၢတ်ႈၼၼ်ႉ ၵွပ်ႈလူၺ်ႈတၢင်းဢၼ်ၵႄႇသႄႇၶျွတ်ႈဢဝ်ၵူၼ်းမၼ်းၸဝ်ႈမဵဝ်း ဢိသရေး၊ ၼၼ်ႉယဝ်ႉ။