Isaiah 45:13 — Compare Translations

2 translations compared side by side

ၵဝ်ႁႂ်ႈမၼ်းၼၼ်ႉ ပေႃႇဢွၵ်ႇမႃး ၸွမ်းၵႃႈၼင်ႇဢၼ်တြႃးတၢင်းသိုဝ်ႈတေႃႇမီးၼၼ်ႉလႄႈ ၵဝ်တၵ်းႁႂ်ႈသဵၼ်ႈတၢင်းၵႃႈဢၼ်မၼ်းၵႂႃႇမၼ်းပႆၼၼ်ႉသိုဝ်ႈဢေႃႈ။ မၼ်းတၵ်းတႄႇႁဵတ်းဝဵင်းၵဝ်လႄႈ မၼ်းယင်းဢမ်ႇဢဝ်ၵႃႈမၼ်းၶၼ်မၼ်း၊ ယင်းဢမ်ႇၶၢမ်ႇဢဝ်သူး ဢဝ်လၢပ်ႈလႄႈ တၵ်းပွႆႇၵူၼ်းၵဝ်ဢၼ်လႆႈၶၢမ်ႇတၢင်းဢၼ်သိမ်းဢဝ်ၶျုၵ်ႈဝႆႉၸိူဝ်းၼၼ်ႉလွတ်ႈဢေႃႈ၊ ဝႃႈၼင်ႇၼႆလႄႈ ၸဝ်ႈပူဝ်ႇပႃႇ ၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။-

တူဝ်ၵဝ်တိုၵ်းယူင်းၶုၼ် သႆးရတ်ႉ၊ ႁႂ်ႈမၼ်းလုၵ်ႉႁဵတ်း ပုၼ်ႈဢၼ်တၵ်းႁႂ်ႈတၢင်းဢၢင်ႈဢၢၼ်းၵဝ် ပျေႉၸုမ်ႇပဵၼ်ၸွမ်းလႄႈ၊ႁႂ်ႈမၼ်းၸီႇယၢင်ႇသၢင်ႈပွင်သိုဝ်ႈသိုဝ်ႈတေႃႇတေႃႇဢေႃႈ။ ၵဝ်တၵ်းႁႂ်ႈသဵၼ်ႈတၢင်းဢၼ်မၼ်းပႆမၼ်းယၢင်ႈၸိူဝ်းၼၼ်ႉသိုဝ်ႈလီဢေႃႈ။ မၼ်းတၵ်းမႄးၵုမ်းမႄးႁဵတ်းဝဵင်းၵဝ်၊ဢၼ်ပဵၼ်ဝဵင်း ယေႇရုသလႅမ်ႇ၊ သေလႄႈ တၵ်းပွႆႇၵူၼ်းၵဝ်ၸိူဝ်းဢၼ်တူၵ်းၵႅၼ်းၼၼ်ႉလွတ်ႈဢေႃႈ။ ၽူႈလႂ်ဢမ်ႇၸၢင်ႈႁႂ်ႈမၼ်းႁဵတ်း၊ၽူႈလႂ် ဢမ်ႇပၼ်သူးပၼ်လၢပ်ႈႁႂ်ႈမၼ်းႁဵတ်းလွင်ႈၸိူဝ်းၼႆႉ၊” ဝႃႈၼင်ႇၼႆ ထႃႇဝရႃႉၽြႃး၊ၸဝ်ႈဢၼၼ်ႇတႃႉတၼ်းၶူဝ်း၊ မီးဢမိင်ႉဢေႃႈ။