Isaiah 47:8 — Compare Translations

2 translations compared side by side

ပိူဝ်ႈၼႆလႄႈ ၵေႃႉဢၼ်မူၼ်ႈပျေႃႇယူႇၼႂ်းၵႃႇမၵုင်ႇလႄႈ ယင်းဢမ်ႇၶႆႈၸႂ်လူၺ်ႈလွင်ႈၽေးလွင်ႈရၢၼ်ႇလႄႈယူႇ၊ ဢၼ်ထၢင်ႇၼႂ်းၸႂ်လႄႈဝႃႈ၊ ၵဝ်မီးယူႇဢေႃႈ။ ၼွၵ်ႈသေၵဝ်ၼႆႉ ဢမ်ႇမီးၽူႈလႂ်သေၵေႃႉသေၵူၼ်း။ ၵဝ်ဢမ်ႇလႆႈၼင်ႈသေလႄႈ ယူႇၸိူဝ်ႉၼင်ႇမႄႈမူၵ်းမႄႈမၢႆႈ။ ၵဝ်ဢမ်ႇလႆႈၶၢမ်ႇတၢင်းဢၼ်လုၵ်ႈလၢင်းတၢႆ၊ ဝႃႈၼင်ႇၼႆၼၼ်ႉဢိူၺ်း၊ ထွမ်ႇငိၼ်းတႃႉ။-

ၵေႃႉဢၼ်ၸၢင်ႈမူၼ်ႈပျေႃႇလူၺ်ႈၵႃႇမၵုင်ႇၶဝ်႟။ ထွမ်ႇငိၼ်းတႃႉ။ မႂ်းထၢင်ႇမႂ်းလႆႈယူႇလူင်ႉလီလွတ်ႈလီၼႃႇလူင်လၢင်လႄႈ၊မႂ်းလၢတ်ႈဝႃႈ၊ မီးမႂ်းၵေႃႉလဵဝ်ၵူၺ်း၊ဢမ်ႇမီးၽူႈလႂ်သေၵေႃႉသေၵူၼ်းထႅင်ႈယဝ်ႉ၊ မႂ်းထၢင်ႇမႂ်းတၵ်းဢမ်ႇတွၼ်ႉပဵၼ်မႄႈမၢႆႈလႄႈ တၵ်းဢမ်ႇၶၢမ်ႇဝူၺ်ႇတၼႃႇတၢင်းဢၼ်လုၵ်ႈလၢင်းတၢႆဝႃႈၼႆယဝ်ႉ။