Isaiah 51:11 — Compare Translations

2 translations compared side by side

ပိူဝ်ႈၼႆလႄႈ ၶဝ်ၸိူဝ်းဢၼ် ထႃႇဝရႃႉၽြႃး ထုတ်ႇဢဝ်ၼၼ်ႉ တၵ်းဢွၼ်ၵၼ်ၶိုၼ်းမႃးလႄႈ ႁဵတ်းၵႂၢမ်းယူႇသေလႄႈ ႁွတ်ႈထိုင်ၵႃႈတီႈဝဵင်း ၸီႉဢုၼ်ႇ လႄႈ တိုဝ်းသရၽူႇ တၢင်းဢၼ်ၸူမ်းသိူဝ်းထႃႇဝရႃႉ သေလႄႈ လႆႈဢၶႂၢင်ႉတၢင်းဢၼ်ၸူမ်းသိူဝ်း။ တၢင်းဢၼ် သႂၢင်ႇၸႂ်လႄႈ တၢင်းဢၼ်မႆႈၸႂ်ၶီၸႂ် ဢိၵ်ႇတင်းတၢင်းဢၼ် ၶၢင်းၶီၶၢင်းၽၢၼ်ၸိူဝ်းၼၼ်ႉ တၵ်းဢွၼ်ၵၼ်ဢွၵ်ႇပၢႆႈၵႂႃႇဢေႃႈ။-

ၶဝ်ၸိူဝ်းဢၼ်ၸဝ်ႈႁဝ်းထုတ်ႇၼုၵ်ႈဢဝ်ၼၼ်ႉ တၵ်းႁွတ်ႈမႃးၵႃႈတီႈဝဵင်း ယေႇရုသလႅမ်ႇ၊ ၸူမ်းၸူမ်းသိူဝ်းသိူဝ်းလႄႈ ႁဵတ်းၵႂၢမ်းယူႇႁွင်ႉပၢဝ်ႇႁွင်ႉသႅၼ်ႇယူႇမူၼ်ႈမူၼ်ႈပျေႃႇပျေႃႇဢေႃႈ။ ၶဝ်တၵ်းမီးတၢင်းၸူမ်းတၢင်းသိူဝ်းထႃႇဝရႃႉလႄႈ တၵ်းလွတ်ႈၵၢင်းတင်းတၢင်းဢၼ်မႆႈၸႂ်ၶီၸႂ်တၢင်းဢၼ်ၶင်းၶီၶင်းၽၢၼ်ဢေႃႈ။