Isaiah 52:3 — Compare Translations

2 translations compared side by side

ထႃႇဝရႃႉၽြႃး မီးဢမိင်ႉဝႆႉၸမ်ႉ၊ သူၼႆႉယင်းဢမ်ႇလႆႈၵႃႈတူဝ်ၶၼ်တူဝ်လႄႈ လႆႈၶၢမ်ႇတၢင်းဢၼ်ၶၢႆပႅတ်ႈလႄႈ ယင်းဢမ်ႇပၼ်ငိုၼ်း ပၼ်တွင်းလႄႈ တၵ်းလႆႈႁွတ်ႈထိုင်တၢင်းဢၼ်ထုတ်ႇဢဝ်ဢေႃႈ။-

ၸဝ်ႈပူဝ်ႇပႃႇၵၢင်ႁၢဝ်၊ထႃႇဝရႃႉၽြႃး၊ မီးဢမိင်ႉတီႈၵူၼ်းမၼ်းၸဝ်ႈတင်းလၢႆလႄႈဝႃႈၸမ်ႉ၊ “မိူဝ်ႈဢၼ်သူလႆႈပဵၼ်ၶႃႈၼၼ်ႉၽူႈလႂ်ဢမ်ႇၸၢႆႇပၼ်ငိုၼ်းပုၼ်ႈသူ။ မိူၼ်ၸိူဝ်ႉၼင်ႇၼၼ် တၢင်းဢၼ်ပွႆႇႁႂ်ႈသူလွတ်ႈၼၼ်ႉၵေႃႈဢမ်ႇလူဝ်ႇမီးၵႃႈမၼ်းၶၼ်မၼ်း။-