Isaiah 53:7 — Compare Translations

2 translations compared side by side

မၼ်းၼၼ်ႉ လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄး ဢိၵ်ႇတင်း တၢင်းဢၼ်ၶျႃးတႅမ်ႇလႄႈ ယင်းဢမ်ႇၽုၺ်ႇပိုတ်ႇသူပ်းမၼ်းလႄႈ ယူႇဢေႃႈ။ ၸိူဝ်ႉၼင်ႇ သူဝ်းဢွၼ်ႇဢၼ်လႆႈၶၢမ်ႇတၢင်းဢၼ်ဢဝ်ၵႂႃႇ ႁႂ်ႈလႆႈဢဝ်တၢႆၼၼ်ႉ ဢိၵ်ႇတင်းၸိူဝ်ႉၼင်ႇသူဝ်းဢၼ် ယင်းဢမ်ႇႁွင်ႉဢမ်ႇသႅၼ်ႇ ၵႃႈတီႈၽၢႆႇၼႃႈၵေႃႉဢၼ်ၵႅတ်းႁႆးၶူၼ်မၼ်းယူႇၼၼ်ႉလႄႈ မၼ်းၼၼ်ႉ ယင်းဢမ်ႇပိုတ်ႇပၢၵ်ႇလႄႈယူႇဢေႃႈ။-

မၼ်းၼၼ်ႉလႆႈၶၢမ်ႇတၢင်းဢၼ်ၼိၵ်ႈၸၢၵ်ႈ ငႅၼ်းသႄးႁႅင်းၼႃႇသေၵေႃႈ၊ မီးၸႂ်ဢၼ်ဢူၼ်ႈဢွၼ်ႇၶျႃးတႅမ်ႇ ယိူၼ်ႉၶၢမ်ႇယူႇ ဢမ်ႇလၢတ်ႈၵႂၢမ်းဢွၵ်ႇသူပ်း သေၶေႃႈသေၵမ်းလႄႈယူႇဢေႃႈ။ ၸိူဝ်ႉၼင်ႇသူဝ်းဢွၼ်ႇဢၼ်လႆႈၶၢမ်ႇ တၢင်းဢၼ်ဢဝ်ၵႂႃႇႁႅမ်တၢႆၼၼ်ႉ၊ ဢိၵ်ႇတင်းၸိူဝ်ႉၼင်ႇသူဝ်းဢၼ်ဢဝ်ၵႂႃႇ ႁႂ်ႈလႆႈၵႅတ်းႁႆးၶူၼ်ၼၼ်ႉ၊မၼ်းယင်းဢမ်ႇႁွင်ႉ ဢမ်ႇသႅၼ်ႇသေၵမ်းလႄႈယူႇဢေႃႈ။