Isaiah 57:8 — Compare Translations

2 translations compared side by side

မႂ်းဢဝ်သၢၵ်ႈသေႇပုၼ်ႈဢၼ် မႂ်းတၵ်းၶုၵ်းၸႂ်လႆႈၶႆႈၸႂ်ထူပ်းၼၼ်ႉဝႆႉ ၵႃႈတီႈၽၢႆႇလင်ၽၵ်းတူ ဢိၵ်ႇတင်းသဝ်တင်းလၢႆယဝ်ႉ။ ၼွၵ်ႈသေတီႈၵဝ်ၼႆႉ မႂ်းထွတ်ႇၶူဝ်းၼုင်ႈမႂ်းတီႈပိူၼ်ႈသေလႄႈ ၶိုၼ်ႈၵႃႈၼိူဝ်တီႈၼွၼ်းယဝ်ႉ။ မႂ်းႁႂ်ႈၵူႇၼွၼ်းမႂ်းၵႂၢင်ႈသေလႄႈ ႁပ်ႉတုင်း ဢဝ်လူၺ်ႈၵၼ်တင်းၶဝ်ယဝ်ႉ။ ၵူႇတီႈၼွၼ်းၶဝ်ၵေႃႈ မႂ်းၸႂ်ၸပ်းၸႂ်ၸွႆးလႄႈ ႁႃဢဝ်တီႈယူႇတီႈသဝ်းမၼ်းယဝ်ႉ။-

သူသၢင်ႈႁဵတ်းႁုၼ်ႇႁၢင်ႈသၢင်းထုဢၼ်လီႁင်ႈဢဵတ်ႇသဵတ်ႇၵႃႈတီႈၽၵ်းတူၼႃႈႁိူၼ်းသူသေလႄႈၸုၼ်ႉပႅတ်ႈၵဝ်ဢေႃႈ။ သူထွတ်ႇၶူဝ်းၼုင်ႈသူသေလႄႈၶိုၼ်ႈၵူႈတီႈၼွၼ်းသူဢၼ်ၵႂၢင်ႈၼၼ်ႉလူၺ်ႈၵၼ်တင်းၵေႃႉႁၵ်ႉသူဢၼ်သူပၼ်ၵႃႈပၼ်ၶၼ်ပုၼ်ႈဢၼ်တၵ်းၼွၼ်းလူၺ်ႈၵၼ်ၼၼ်ႉသေယဝ်ႉ၊သူပျေႇၸႂ်လူၺ်ႈတၢင်းပျေႃႇၵႃႇမႃႉၵုင်ႇသူဢေႃႈ။-