Isaiah 59:10 — Compare Translations

2 translations compared side by side

ႁဝ်းလႆႈၵုမ်းၵီႈၵုမ်းၵမ်း ၸွမ်းႁူဝ်ႉၸွမ်းၽႃယူႇမိူၼ်ၸိူဝ်ႉၼင်ႇ ၵေႃႉဢၼ်ဢမ်ႇႁၼ်လႆႈၼၼ်ႉလႄႈ လႆႈတဝ်ႉတီႈတဝ်ႉတႅဝ်ႇယူႇ မိူၼ်ၸိူဝ်ႉၼင်ႇ ၵေႃႉဢၼ်ဢမ်ႇမီးမၢၵ်ႇတႃၼၼ်ႉဢေႃႈ။ ႁဝ်းတိူဝ်ႉမႅၼ်ႈလႄႈလူမ်ႉၶိင်ႇၵၢင်ဝၼ်းတဵင်ႈၼၼ်ႉ မိူၼ်ၸိူဝ်ႉၼင်ႇ ၶိင်ႇၵၢင်ၶမ်ႈၼၼ်ႉလႄႈ ႁဝ်းပဵၼ်ၸိူဝ်ႉၼင်ႇ ၶဝ်ၸိူဝ်းဢၼ်တၢႆၵႂႃႇယဝ်ႉၼၼ်ႉ ၼႂ်းတီႈဢၼ်ၶွၼ်ႇၼမ်ႉမၼ်းလိၼ်လီ ၸိူဝ်းၼၼ်ႉဢေႃႈ။-

ပိူဝ်ႈၼႆလႄႈႁဝ်းလႆႈၵုမ်းၵီႈၵုမ်းၵမ်းၵႂႃႇမိူၼ်ၸိူဝ်ႉၼင်ႇၵူၼ်းတႃမွတ်ႇဢေႃႈ။ ႁဝ်းၶီႈလိုတ်းလႄႈလူမ်ႉၶိင်ႇၵၢင်ဝၼ်းတဵင်ႈယူႇထၢၼ်ႈပေႃးမိူၼ်ၸိူဝ်ႉၼင်ႇလူမ်ႉၼႂ်းၶိင်ႇၵၢင်ၶိုၼ်း၊မိူၼ်ၸိူဝ်ႉၼင်ႇႁဝ်းမီးယူႇၵႃႈၼႂ်းဢၼ်လပ်းသိင်ႇမိူင်းမရၼႃႉဢေႃႈ။-