Isaiah 60:4 — Compare Translations

2 translations compared side by side

ဢဝ်တႃမႂ်းမုင်ႈၸူးၵႃႈတီႈႁိမ်းႁွမ်းလႄႈတူၺ်းတႃႉ။ ၵူၼ်းတင်းသဵင်ႈတင်းလူင် ၸူႉၵၼ်တုမ်ၵၼ်သေလႄႈ မႃးၸူးၵႃႈတီႈမႂ်းဢေႃႈ။လုၵ်ႈၸၢႆးမႂ်းတင်းလၢႆ တၵ်းဢွၼ်ၵၼ်လုၵ်ႉသေၵႃႈတီႈဢၼ်ၵႆၼၼ်ႉမႃးလႄႈ၊ လုၵ်ႈယိင်းမႂ်းတင်းလၢႆၵေႃႈ တၵ်းလႆႈၶၢမ်ႇတၢင်းဢၼ် ဢုမ်ႈႁွပ်ႇမႃးၸူးၵႃႈတီႈႁိမ်းမႂ်းဢေႃႈ။-

မႂ်းဝၢႆႇတူၺ်းလဵပ်ႈႁွပ်ႈႁိမ်းႁွမ်းမႂ်းလွင်ႈတင်း ဢၼ်ပဵၼ်ယူႇၼၼ်ႉတႃႉ။ ၵူၼ်းမႂ်းတင်းလၢႆဢွၼ်ၵၼ်ၸုတုမ်ၵၼ်ယူႇ ႁႂ်ႈလႆႈပွၵ်ႈၶိုၼ်းႁိူၼ်းဢေႃႈ။ လုၵ်ႈၸၢႆးမႂ်းတင်းလၢႆတၵ်းပွၵ်ႈၶိုၼ်းမႃးသေ ၵႃႈတီႈဢၼ်ၵႆၼၼ်ႉဢေႃႈ။ လုၵ်ႈယိင်းသၢဝ်မႂ်းတင်းလၢႆၵေႃႈတၵ်းလႆႈ ၶၢမ်ႇတၢင်းဢၼ်ဢုမ်ႈႁွပ်ႇမႃးၸူးတီႈမႂ်း မိူၼ်လုၵ်ႈဢွၼ်ႇဢေႃႈ။