Isaiah 61:1 — Compare Translations

2 translations compared side by side

ဝီႉၺိၺ်ႇ ထႃႇဝရႃႉၽြႃး တႄႇယူႇၵႃႈၼိူဝ်ၵဝ်ဢေႃႈ။ လွင်ႈမၼ်းၸမ်ႉ ထႃႇဝရႃႉၽြႃး ပၼ်ၽိၵ်ႈသိၵ်ႈတီႈၵဝ် ႁႂ်ႈၵဝ်လႆႈမွၵ်ႇလၢတ်ႈသတၢင်းသိူဝ်းပျေႃႇ တီႈၵူၼ်းယၢၵ်ႈၵူၼ်းၽၢၼ် တင်းလၢႆယဝ်ႉ။ မၼ်းၸဝ်ႈပွႆႇၸႂ်ႉၵဝ်မႃးႁႂ်ႈလႆႈ ၶဵၼ်းႁေႃႇတၢင်းၸဵပ်းၶဝ်ၸိူဝ်းဢၼ် ႁူဝ်ၸႂ်တႅၵ်ႇလႅဝ်ၼၼ်ႉ၊ ႁႂ်ႈလႆႈမွၵ်ႇလၢတ်ႈတၢင်းဢၼ်ပွႆႇလွတ်ႈၼၼ်ႉ တီႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်တီႉဢဝ်ၶင်ဝႆႉၼၼ်ႉ ဢိၵ်ႇတင်းတၢင်းဢၼ် ၽုၺ်ႇၽၵ်းတူထွင်ႇပၼ်တီႈၶဝ်ၸိူဝ်းဢၼ်တူၵ်းၵိၼ်းၼၼ်ႉ၊-

ၸဝ်ႈပူဝ်ႇပႃႇၵၢင်ႁၢဝ်၊ထႃႇဝရႃႉၽြႃး၊ ႁႂ်ႈၵဝ်ပျေႉၸုမ်ႇဝႆႉတင်းဝိၺိၺ်ႇမၼ်းၸဝ်ႈဢေႃႈ။ မၼ်းၸဝ်ႈလိူၵ်ႈဢဝ်ၵဝ်လႄႈပွႆႇၸႂ်ႉၵႂႃႇ ႁႂ်ႈလႆႈႁေႃးလၢတ်ႈၶၢဝ်ႇသိူဝ်းပျေႃႇတီႈ ၵူၼ်းယၢၵ်ႈၵူၼ်းၽၢၼ်တင်းလၢႆ၊ ႁႂ်ႈလႆႈယူတ်းယႃႁူဝ်ၸႂ်ဢၼ်တႅၵ်ႇလႅဝ်လႄႈ လႆႈမွၵ်ႇလၢတ်ႈလွင်ႈတၢင်းဢၼ်ပွႆႇလွတ်ႈ၊ တီႈၶဝ်ၸိူဝ်းဢၼ်တူၵ်းၵႅၼ်းလႄႈလႆႈလၢတ်ႈ လွင်ႈတၢင်းဢၼ်ပွႆႇၵူၼ်းတူၵ်းထွင်ႇတင်းလၢႆ လွတ်ႈၼၼ်ႉဢေႃႈ။