Isaiah 66:20 — Compare Translations

2 translations compared side by side

ၶဝ်ၼၼ်ႉ တၵ်းဢွၼ်ၵၼ်ဢဝ်ပီႈၼွင်ႉသူ တင်းသဵင်ႈတင်းလူင် တၢင်ႇၵႃႈၼိူဝ်မႃႉလႂ်၊ လေႃႉရထႃးလႂ်၊ ၶဵင်ႇဢၼ်ႁၢပ်ႇလႂ်၊ လေႃႉလႃးလႂ်၊ ၵလႃးဢုၵ်ႉလႂ် ဢွၵ်ႇသေၵႃႈၼႂ်းၵူၼ်း ၵူႈၸိူဝ်ႉၵူႈမဵဝ်းမႃးၸူး ၵႃႈတီႈလွႆဢၼ်မူတ်းၸၢင်ႇၵဝ်၊ ဝဵင်း ယေႇရူႉသလႅမ်ႇ ၼၼ်ႉ ပုၼ်ႈဢၼ်တၵ်းပုၵ်ႈၸေႃႇ ၵႃႈတီႈထႃႇဝရႃႉၽြႃးၼၼ်ႉ မိူၼ်ၸိူဝ်ႉၼင်ႇဢၼ် ၵူၼ်းမဵဝ်း ဢီႉသရေႇလႃႉ တင်းလၢႆ ဢဝ်ၶိူင်ႈပုၵ်ႈၸေႃႇ သႂ်ႇၵႃႈၼႂ်းၵွၵ်း ဢၼ်မူတ်းသႂ်မႃးၸူး ၵႃႈတီႈႁိူၼ်း ထႃႇဝရႃႉၽြႃးၼၼ်ႉဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃး မီးဢမိင်ႉဢေႃႈ။-

ၶဝ်ၼၼ်ႉ၊တၵ်းဢဝ်ၵူၼ်းမိူင်းသူတင်းသဵင်ႈတင်းလူင်ပွၵ်ႈမႃးသေၵႃႈတီႈၵူၼ်းတၢင်ႇၸိူဝ်ႉတၢင်ႇမဵဝ်းၸိူဝ်းၼၼ်ႉ၊မိူၼ်ၸိူဝ်ႉၼင်ႇဢၼ်ဢဝ်ၶိူင်ႈတၢင်းလူႇမႃးၸူးတီႈၵဝ်ၼၼ်ႉဢေႃႈ။ ၶဝ်ၼၼ်ႉ၊တၵ်းဢဝ်ပီႈၼွင်ႉသူၸိူဝ်းၼၼ်ႉ၊တၢင်ႇမႃႉလႂ်၊မႃႉလီႈလႂ်၊ၵလႃႇဢုၵ်ႈလႂ်၊ဢိၵ်ႇတင်းလေႃႉမႃႉသိုၵ်းလႂ်၊လေႃႉမႃႉတၢင်ႇၵူၼ်းလႂ်သေယဝ်ႉ၊မႃးၸူးၵႃႈတီႈလွႆမူတ်းၸၢင်ႇၵႃႈၼႂ်းဝဵင်း ယေႇရုသလႅမ်ႇ၊ မိူၼ်ၸိူဝ်ႉၼင်ႇၵူၼ်းမဵဝ်း ဢိသရေး၊ တင်းလၢႆ၊ဢဝ်ၶိူင်ႈတၢင်းလူႇမၢၵ်ႇၶဝ်ႈႁူင်းၶဝ်ႈတင်းလၢႆသႂ်ႇၵႃႈၼႂ်းၵွၵ်းမူတ်းၸၢင်ႇလႂ်သေယဝ်ႉ၊ဢဝ်မႃးၸူးၵႃႈတီႈၵျွင်းပိၵ်ႈမၢၼ်ႇၸဝ်ႈၼၼ်ႉဢေႃႈ။-