James 1:11 — Compare Translations

2 translations compared side by side

မိူဝ်ႈဢၼ်ၵၢင်ဝၼ်းဢွၵ်ႇမႃး ဢိၵ်ႇတင်းသၢႆဢရွင်ႇဢၼ်မႆႈၼၼ်ႉၸိုင်၊ ယိူဝ်ႈယႃႈၼၼ်ႉ ၸၢင်ႈႁွတ်ႈထိုင်တၢင်းဢၼ် ႁဵဝ်ႇႁႅင်ႈၵႂႃႇလႄႈ မွၵ်ႇမၼ်းၵေႃႈ ၸၢင်ႈလူၼ်ႇႁူင်ႈၵႂႃႇဢေႃႈ။ ႁၢင်ႈၽၢင်မၼ်း ဢၼ်ႁၢင်ႈလီၼၼ်ႉၵေႃႈ ၸၢင်ႈႁွတ်ႈထိုင်တၢင်းလူႉတၢင်းလႅဝ်ၵႂႃႇဢေႃႈ။ မိူၼ်ၸိူဝ်ႉၼင်ႇၼၼ်၊ ၵူၼ်းဢၼ်ၸၢင်ႈမၢၵ်ႈၸၢင်ႈမီးၼၼ်ႉ တၵ်းလႆႈႁွတ်ႈထိုင်တၢင်းဢၼ် ႁဵဝ်ႇႁႅင်ႈလူႉလႅဝ်ၵႂႃႇ ၼႂ်းတၢင်းဢၼ်မၼ်းႁဵတ်းယူႇ ၸိူဝ်းၼၼ်ႉဢေႃႈ။

ၵၢင်ဝၼ်းဢွၵ်ႇမႃးလူၺ်ႈသၢႆလႅတ်ႇဢၼ်မႆႈႁႅင်းၼႃႇၼၼ်ႉမႆႈၶႅမ်ႈတူၼ်ႈယိူဝ်ႈယႃႈႁဵဝ်ႇႁႅင်ႈၵႂႃႇသေယဝ်ႉ၊မွၵ်ႇမၼ်းၵေႃႈလူၼ်ႇႁူင်ႈတူၵ်းၵႂႃႇလႄႈႁၢင်ႈၽၢင်မၼ်းဢၼ်ႁၢင်ႈလီၼၼ်ႉၵေႃႈ၊လုလႅဝ်ၵႂႃႇဢေႃႈ။ ပိူင်လဵဝ်ၵၼ်ၵူၼ်းမၢၵ်ႈၵူၼ်းမီးတင်းလၢႆၵေႃႈ၊တၵ်းႁဵဝ်ႇႁႅင်ႈလုလႅဝ်ၵႂႃႇၵႃႈၼႂ်းတၢင်းဢၼ်မၼ်းႁဵတ်းၼၼ်ႉဢေႃႈ။