Jeremiah 17:26 — Compare Translations

2 translations compared side by side

ၶဝ်တၵ်းပႃးဢဝ် ယိတ်ႈဢၼ်တုတ်ႇၽႆး၊ ယိတ်ႈတၢင်ႇၸိူဝ်ႉတၢင်ႇပိူင်လႂ်၊ ၶိူင်ႈပုၵ်ႈၸေႃႇၽေႃးၸဵၼ်ႇလႂ်၊ ၼၢမ်ႇသႃႇဢၼ် တၵ်းတုတ်ႇၽႆးလႂ်၊ ယိတ်ႈတၢင်းဢၼ်ယွင်ႈယေႃးလႂ် မႃးၵႃႈတီႈၼႂ်းႁိူၼ်း ထႃႇဝရႃႉၽြႃးလႄႈ တၵ်းဢွၼ်ၵၼ်လုၵ်ႉသေ ၵႃႈတီႈဝဵင်း ယူႉတႃႉ လႂ်၊ တီႈဢၼ်လဵပ်ႈႁွပ်ႈဝဵင်း ယေႇရူႉသလႅမ်ႇ လႂ်၊ မိူင်း ပိၼ်ႇယႃႇမိၼ်ႇ လႂ်၊ ၵႃႈတႂ်ႈတီႈဢၼ်ပၢင်ႇ ဢၼ်ပဵင်းလႂ်ႁၢၼ်ႉလွႆလႂ် ပွတ်းတၢင်းၸၢၼ်းလႂ် ၸိူဝ်းၼၼ်ႉ မႃးဢေႃႈ။-

ၵူၼ်းတင်းလၢႆတၵ်းဢွၼ်ၵၼ်လုၵ်ႉသေၵႃႈတီႈဝဵင်း ယုတႃႉ၊ လႂ်၊တီႈဢၼ်လဵပ်ႈႁွပ်ႈဝဵင်း ယေႇရုသလႅမ်ႇ၊ လႂ်၊မိူင်း ပိၼ်ႇယႃႇမိၼ်ႇ၊ လႂ်တီႈဢၼ်ပၢင်ႇဢၼ်ပဵင်းလႂ်၊တီႈႁၢၼ်ႉလွႆလႂ်၊ပွတ်းတၢင်းၸၢၼ်းလႂ်ၸိူဝ်းၼၼ်ႉမႃးလႄႈတၵ်းပႃးဢဝ်ၶိူင်ႈတၢင်းလူႇဢၼ်တုတ်ႇၽႆး၊ၶိူင်ႈတၢင်းလူႇတၢင်ႇၸိူဝ်ႉတၢင်ႇပိူင်လႂ်၊ၶိူင်ႈတၢင်းလူႇမၢၵ်ႇၶဝ်ႈႁူင်းၶဝ်ႈလႂ်၊ၼၢမ်ႇသႃႇဢၼ်တၵ်းတုတ်ႇၽႆးလႂ်၊ၶိူင်ႈတၢင်းလူႇဢၼ်တၢင်ႇၵျေးၸူးလႂ်ၸိူဝ်းၼၼ်ႉမႃးၵႃႈတီႈၼႂ်းႁိူၼ်း ထႃႇဝရႃႉၽြႃး၊ ၽြႃးပဵၼ်ၸဝ်ႈဢေႃႈ။-