Jeremiah 29:18 — Compare Translations

2 translations compared side by side

ၵဝ်တၵ်းဢဝ်ၽေးလၢပ်ႇၽေးလႅဝ်း၊ ၽေးတၢင်းဢၼ်ဢိုပ်းဢၼ်ယၢၵ်ႈ၊ ၽေးၵႃႇလႃႉႁႃႈလႅင်မိူင်း ၼိၵ်ႈၸၢၵ်ႈငႅၼ်းသႄးၶဝ်လႄႈ ဢဝ်ၶဝ်ဢၢပ်ႈပၼ်တီႈတၢင်းဢၼ် ဢဝ်ၶဝ်ထိမ်ႈၵႂႃႇထိမ်ႈၶိုၼ်းယူႇ ၵႃႈၼႂ်းသိုင်ႇၸိုင်ႈဝၢၼ်ႈမိူင်း ၵႃႈဢၼ်မီးၵႃႈၼိူဝ်လိၼ်မိူင်း ပုၼ်ႈဢၼ်တၵ်းပဵၼ် တီႈဢၼ်ၵိၼ်ႇဢၼ်လႃႇ၊ တီႈဢၼ်လီဢၢမ်း၊ တီႈဢၼ်ငိၼ်းသဵင် ဢၼ်ႁဵတ်းသီႉသီႉသေႃႉသေႃႉ သႄႉသွမ်း၊ တီႈဢၼ်ယႃႉသရေႇတူၵ်းတီႈတႅမ်ႇ ၵႃႈၼႂ်းၵူၼ်းၵူႈၸိူဝ်ႉၵူႈမဵဝ်း တီႈဢၼ်ၵဝ်ႁေႃႈၶဝ်ဢွၵ်ႇၸူးၸိူဝ်းၼၼ်ႉဢေႃႈ။-

ၵဝ်တၵ်းဢဝ်ၽေးလၢပ်ႇၽေးလႅဝ်း၊ၽေးတၢင်းဢၼ်ဢိုပ်းဢၼ်ယၢၵ်ႈ၊ၽေးၵႃႇလႃႉႁႃႈလႅင်မိူင်းၼိၵ်ႈၸၢၵ်ႈငႅၼ်းသႄးၶဝ်ဢေႃႈ။ ပိူဝ်ႈၼႆလႄႈမိူဝ်ႈဢၼ်ၵူၼ်းၵူႈၸိူဝ်ႉၵူႈမဵဝ်းႁၼ်ၶဝ်ၼၼ်ႉတၵ်းတေတူၵ်းၸႂ်ၵူဝ်ႁႄယွၼ်ႉၶဝ်ဢေႃႈ။ ၵႃႈတီႈဢၼ်ၵဝ်ႁႂ်ႈၶဝ်တႅၵ်ႇယၢႆႈၽၢတ်ႇၽႄၵၼ်ၵႂႃႇၵူႈတီႈၵူႈလႅၼ်ၼၼ်ႉၵူၼ်းတင်းလၢႆတၵ်းႁၼ်ၽေးတုၵ်ႉၶႃႉတၢင်းဢၼ်ၶဝ်ထူပ်းၺႃးလႄႈတၵ်းတေတူၵ်းၸႂ်သၼ်ႇဝႆၵၼ်ဢေႃႈ။ တၵ်းတေႁဵတ်းပျၢၵ်ႈႁဵတ်းၶူဝ်သႄႉသွမ်းၶဝ်လႄႈဢဝ်ၸိုဝ်ႈသဵင်ၶဝ်ၼၼ်ႉပဵၼ်တီႈဢၼ်ၵိၼ်ႇလႃႇၵၼ်ဢေႃႈ။-