Jeremiah 34:18 — Compare Translations

2 translations compared side by side

ၵဝ်တၵ်း ဢဝ်ၶဝ်ၸိူဝ်းဢၼ်ပူၼ်ႉလိူဝ် ပတီႉၺိၺ်ႇၵဝ်လႄႈ ဢမ်ႇၵမ်ဢမ်ႇၵျၢင်ႉၸွမ်းၼင်ႇပတီႉၺိၺ်ႇ ဢၼ်ၶဝ်ၽႃႇဝူဝ်းဢွၼ်ႇ ႁဵတ်းသွင်ၽၢၵ်ႇသေလႄႈ တႆႇလတ်းၵႂႃႇၵႃႈၼႂ်း ၵႄႈဝူင်ႈၵၢင် သွင်ၽၢၵ်ႇၼၼ်ႉလႄႈ ႁဵတ်းၵႃႈတီႈၽၢႆႇၼႃႈၵဝ်ၼၼ်ႉ၊-

မူးမၢတ်ႈၽွင်းမိူင်းၵူၼ်းမိူင်း ယုတႃႉ၊ လႄႈဝဵင်း ယေႇရုသလႅမ်ႇ၊ ၸိူဝ်းၼၼ်ႉပႃးလူၺ်ႈၵၼ်တင်းၶုၼ်ဢၼ်ပွင်ၵၢၼ်ၼႂ်းႁၢင်ႈၼႂ်းႁေႃၶဝ်၊ယဵၸ်ႈပရေႃးႁဵၵ်ႈၶဝ်၊ၵူၼ်းဝၢၼ်ႈၵူၼ်းမိူင်းၶဝ်သေလႄႈပႆၵႂႃႇၵႃႈၼႂ်းၵႄႈၵၢင်ဝူဝ်းဢွၼ်ႇဢၼ်ၶဝ်ၽႃႇႁဵတ်းသွင်ၽၢၵ်ႇၼၼ်ႉသေယဝ်ႉ၊ႁဵတ်းပတိၺိၺ်ႇဝႆႉလူၺ်ႈၵၼ်တင်းၵဝ်ဢေႃႈ။- ၵူၺ်းၵႃႈ၊ၶဝ်ဢမ်ႇၵမ်ဢမ်ႇၵျၢင်ႉၸွမ်းပတိၺိၺ်ႇဢၼ်ၶဝ်ဝႆႉၵႃႈတီႈသိုဝ်ႈၼႃႈတႂ်ႈတႃၵဝ်ၼၼ်ႉ။ ပိူဝ်ႈၼႆလႄႈမိူၼ်ၸိူဝ်ႉၼင်ႇဢၼ်ၶဝ်ႁဵတ်းတီႈဝူဝ်းဢွၼ်ႇၼၼ်ႉၵဝ်တၵ်းႁဵတ်းတီႈၶဝ်ဢေႃႈ။-