Jeremiah 38:14 — Compare Translations

2 translations compared side by side

လႆႈသမ်ႉ ၶုၼ်လူင် ၸေႇတၵီႉ ပွႆႇၸႂ်ႉလႄႈႁွင်ႉဢဝ် ယေႇရမီႉ မႃး ၵႃႈၼႂ်းလုၵ်းတႃႉတီႉယႃႉ ၵႃႈၼႂ်းႁိူၼ်း ထႃႇဝရႃႉၽြႃး သေယဝ်ႉ၊ ၶုၼ်ႁေႃၶမ်း လၢတ်ႈတီႈ ယေႇရမီႉ လႄႈဝႃႈ၊ ၵဝ်တၵ်း တွင်ႈထၢမ်သေၸိူဝ်ႉသေပိူင် တီႈမႂ်းဢေႃႈ။ ယႃႇပေသိူင်ႇမႅပ်ႉဝႆႉ လွင်ႈတၢင်း သေၸိူဝ်ႉသေပိူင်တီႈၵဝ်၊ မိူဝ်ႈဢၼ်ဝႃႈၼင်ႇၼႆၸိုင်၊-

ၶုၼ်လူင် ၸေႇတၵိ၊ ပွႆႇၸႂ်ႉၵူၼ်းၵႂႃႇႁွင်ႉဢဝ် ယေႇရမိ၊ ႁႂ်ႈမႃးၸူးတီႈမၼ်းၸွမ်းသဵၼ်ႈတၢင်းသဵၼ်ႈတီႈသၢမ်ဢၼ်ၶဝ်ႈၵႂႃႇၵႃႈၼႂ်းၵျွင်းပိၵ်ႈမၢၼ်ႇ ထႃႇဝရႃႉၽြႃး၊ ၼၼ်ႉဢေႃႈ။ ၶုၼ်ႁေႃၶမ်းလၢတ်ႈတီႈ ယေႇရမိ၊ လႄႈဝႃႈ၊ “ၵဝ်တၵ်းတွင်ႈထၢမ်သေၸိူဝ်ႉသေပိူင်တီႈမႂ်းဢေႃႈ။ ယႃႇပေဢဝ်သိူင်ႇဝႆႉလပ်ႉဝႆႉလွင်ႈတၢင်းသေၸိူဝ်ႉသေဢၼ်တီႈၵဝ်၊” ဝႃႈၼင်ႇၼႆဢေႃႈ။