Jeremiah 38:16 — Compare Translations

2 translations compared side by side

ၶုၼ်လူင် ၸေႇတၵီႉ ၼၼ်ႉ တဵတ်ႇတဵတ်ႇတိူင်ႇဝႃႈၵိၼ်ႇဝႃႈ တီႈ ယေႇရမီႉ လႄႈဝႃႈ၊ ၵႃႈၼင်ႇဢၼ် ထႃႇဝရႃႉၽြႃး ဢၼ်ႁဵတ်းပဵၼ် ဢသၢၵ်ႈဝီႉၺိၺ်ႇ တီႈႁဝ်းၼႆႉၼၼ်ႉ ဢသၢၵ်ႈလိပ်းယူႇၼၼ်ႉ၊ ၵဝ်တၵ်းဢမ်ႇဢဝ်မႂ်းတၢႆ။ ၵဝ်တၵ်း ဢမ်ႇဢဝ်မႂ်းဢၢပ်ႈပၼ် ၵႃႈၼႂ်းမိုဝ်းၶဝ်ၸိူဝ်းဢၼ် ႁႃဢဝ်ဢသၢၵ်ႈမႂ်းယူႇ ၸိူဝ်းၼၼ်ႉၵူၺ်ႉ၊ ဝႃႈၼင်ႇၼႆဢေႃႈ။-

ၶုၼ်လူင် ၸေႇတၵိ၊ ၼၼ်ႉတိူင်ႇၵၢဝ်ႇၵတိတီႈ ယေႇရမိ၊ လႄႈဝႃႈ၊ “ၵႃႈၼင်ႇဢၼ် ထႃႇဝရႃႉၽြႃး၊ ဢသၢၵ်ႈလိပ်းယူႇလႄႈပၼ်ဢသၢၵ်ႈဝိၺိၺ်ႇတီႈႁဝ်းၼႆႉၼၼ်ႉ၊ၵဝ်တၵ်းဢမ်ႇဢဝ်မႂ်းတၢႆလႄႈဢမ်ႇဢၢပ်ႈပၼ်ၵႃႈၼႂ်းမိုဝ်းၶဝ်ၸိူဝ်းဢၼ်ၸွမ်းႁႃဢသၢၵ်ႈမႂ်းယူႇၸိူဝ်းၼၼ်ႉ၊” ဝႃႈၼင်ႇၼႆဢေႃႈ။