Jeremiah 38:17 — Compare Translations

2 translations compared side by side

မိူဝ်ႈၼၼ်ႉ ယေႇရမီႉ လဝ်ႊလၢတ်ႈတီႈ ၸေႇတၵီႉ လႄႈဝႃႈ၊ ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃး ၽြႃးပဵၼ်ၸဝ်ႈ မဵဝ်း ဢီႉသရေႇလႃႉ မီးဢမိင်ႉၸမ်ႉ၊ ပေႃးၸဝ်ႈႁဝ်းဢွၵ်ႇၵႂႃႇၸူး ၵႃႈတီႈမူးမၢတ်ႈၽွင်းမိူင်း ၶုၼ်ႁေႃၶမ်း ပႃႇပူႉလုၼ်ႇ ၸိူဝ်းၼၼ်ႉဢမၢၼ်ႇၶၼ်ပဵၼ်ၸိုင်၊ ၸဝ်ႈႁဝ်းတၵ်းလႆႈ ဢသၢၵ်ႈၵတ်းယဵၼ်ၶျၢမ်းသႃႇ တီႈၶႃႈလႄႈ ဝဵင်းၼႆႉၵေႃႈတၵ်းလွတ်ႈတင်း တၢင်းဢၼ်ဢဝ်ၽႆးတုတ်ႇ တီႈၶႃႈဢေႃႈ။ ၸဝ်ႈႁဝ်းဢိၵ်ႇတင်း ပီႈၼွင်ႉၸိူဝ်ႉၶိူဝ်းၸဝ်ႈႁဝ်း ၸိူဝ်းၼၼ်ႉ တၵ်းဢွၼ်ၵၼ်လႆႈ ဢသၢၵ်ႈၵတ်းယဵၼ်ၶျၢမ်းသႃႇ တီႈၶႃႈဢေႃႈ။-

မိူဝ်ႈၼၼ်ႉ၊ ယေႇရမိ၊ လဝ်ႈလၢတ်ႈတီႈ ၸေႇတၵိ၊ လႄႈဝႃႈ၊ “ ထႃႇဝရႃႉၽြႃး၊ၸဝ်ႈဢၼၼ်ႇတႃႉတၼ်းၶူဝ်း၊ ၽြႃးပဵၼ်ၸဝ်ႈၵူၼ်းမဵဝ်း ဢိသရေး၊ မီးဢမိင်ႉၸမ်ႉ၊ပေႃးၸဝ်ႈႁဝ်းၼွမ်းတူဝ်ၸူးၵႃႈတီႈမူးမၢတ်ႈၽွင်းမိူင်းၶုၼ်ႁေႃၶမ်းမိူင်း ပႃႇပုလုၼ်ႇ၊ ၸိူဝ်းၼၼ်ႉၸိုင်၊ဢသၢၵ်ႈၸဝ်ႈႁဝ်းတၵ်းလႆႈလွတ်ႈတီႈၶႃႈဢေႃႈ။ ဝဵင်းၼႆႉၵေႃႈတၵ်းလွတ်ႈသေတၢင်းဢၼ်ဢဝ်ၽႆးတုတ်ႇပႅတ်ႈတီႈၶႃႈဢေႃႈ။ ၸဝ်ႈႁဝ်းဢိၵ်ႇတင်းပီႈၼွင်ႉၸိူဝ်ႉၶိူဝ်းၸဝ်ႈႁဝ်းၸိူဝ်းၼၼ်ႉတၵ်းလႆႈဢသၢၵ်ႈလိပ်းတီႈၶႃႈဢေႃႈ။-