Jeremiah 38:6 — Compare Translations

2 translations compared side by side

မိူဝ်ႈၼၼ်ႉ ၶဝ်ဢွၼ်ၵၼ်ဢဝ် ယေႇရမီႉ ၶျႃးတူၵ်း ၵႃႈၼႂ်းႁူးလိၼ်ၶုမ်လိၼ် မႃႇလၶီႉ လုၵ်ႈၸၢႆးၸဝ်ႈ ဢၼ်မီးၵႃႈၼႂ်းဝၢင်းထွင်ႇၼၼ်ႉလႄႈ ဢွၼ်ၵၼ်ဢဝ်ၸိူၵ်ႈသေလႄႈ ဢဝ် ယေႇရမီႉ ယွၼ်ႇတူၵ်းဢေႃႈ။ ၵႃႈၼႂ်းႁူးလိၼ်ၶုမ်လိၼ်ၼၼ်ႉ၊ ဢမ်ႇမီးၼမ်ႉ၊ မီးၵူမ်ႇၵူၺ်းလႄႈ ယေႇရမီႉ ၼၼ်ႉ လူမ်ႇၶဝ်ႈၵႃႈၼႂ်းၵူမ်ႇယူႇဢေႃႈ။-

မိူဝ်ႈၼၼ်ႉ၊ၶဝ်ဢွၼ်ၵၼ်ဢဝ်တင်းၸိူၵ်ႈလႄႈဢဝ်တူဝ် ယေႇရမိ၊ ယွၼ်ႇလူင်းၵႂႃႇၵႃႈၼႂ်းၼမ်ႉမေႃႇ မႃႇလၶိ၊ လုၵ်ႈၸၢႆးၸဝ်ႈဢၼ်မီးၵႃႈၼႂ်းဝၢင်းထွင်ႇၼၼ်ႉဢေႃႈ။ ၵႃႈၼႂ်းၼမ်ႉမေႃႇၼၼ်ႉဢမ်ႇမီးၼမ်ႉ၊မီးၵူမ်ႇၵူၺ်းလႄႈ ယေႇရမိ၊ ၵေႃႈ၊တူၵ်းၸူမ်ၵႃႈၼႂ်းၵူမ်ႇယူႇဢေႃႈ။