Jeremiah 46:23 — Compare Translations

2 translations compared side by side

ပိၵ်ႉသမ်ႉ ပႃႇမႆႉပႃႇတွၵ်ႇမၼ်းၼၼ်ႉ ဢမ်ႇမီးတၢင်းဢၼ် ၶဝ်သွၵ်ႈၶဝ်ႁႃလႆႈသေၵေႃႈ၊ ၶဝ်တၵ်း ဢွၼ်ၵၼ်ပမ်ႈလူမ်ႉပႅတ်ႈ ၵွပ်ႈပိူဝ်ႈဢၼ်ၶဝ်ၼၼ်ႉ ၼမ်လိူဝ်တွၼ်းၼႃႇသေ မႅင်းၵႅင်းလႄႈ ဢမ်ႇၼပ်ႉဢမ်ႇဢၢၼ်ႇလႆႈၼၼ်ႉဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃး မီးဢမိင်ႉဢေႃႈ။-

ၶဝ်တၵ်းတိုၵ်းတေႃးမိူၼ်ၸိူဝ်ႉၼင်ႇပွမ်ႈ ပႃႇမႆႉပႃႇတွၵ်ႇလူမ်ႉတူၵ်းၼၼ်ႉဢေႃႈ။ ၵူၼ်းၶဝ်တင်းလၢႆၼၼ်ႉၼမ်ၼႃႇထၢၼ်ႈပေႃး ဢမ်ႇၼပ်ႉဢမ်ႇဢၢၼ်ႇလႆႈလႄႈ ႁူဝ်ႁၢၼ်ၵူၼ်းသိုၵ်းၶဝ်ၼၼ်ႉၼမ်ၼႃႇ လိူဝ်တွၼ်းၼႃႇသေၸၵ်းတႅၼ်ဢၼ် ဢမ်ႇၼပ်ႉဢမ်ႇဢၢၼ်ႇလႆႈၼၼ်ႉဢေႃႈ။