Jeremiah 49:32 — Compare Translations

2 translations compared side by side

ၵလႃးဢုၵ်ႉၶဝ် တင်းလၢႆ တၵ်းပဵၼ်တီႈဢၼ် ႁိမ်ဢဝ်ႁူင်ႇဢဝ်လႄႈ တရိၵ်ႈသၢၼ်ႇၶဝ် ဢၼ်ၼမ်ၼႃႇၼၼ်ႉ တၵ်းပဵၼ် တီႈဢၼ်တီႉလႆႈ သိမ်းဢဝ်ဢေႃႈ။ ၵဝ်တၵ်းဢဝ်ၵူၼ်းမဵဝ်း ဢၼ်ၸၢင်ႈထႃၼူတ်ႇၵႅမ်ႈ ၼူတ်ႇၵၢင်းၸိူဝ်းၼၼ်ႉ ၸၢတ်ႇပိုၼ်သႂ်ႇ ၵႃႈတီႈလူမ်း ၵူႈၽၢႆႇၵူႈပႃႈလႄႈ ၵဝ်တၵ်းႁႂ်ႈ ၽေးဢူႉပၢတ်ႈလုၵ်ႉသေ ၵႃႈတီႈၵူႈတီႈၵူႈလႅၼ်ႁွတ်ႈထိုင် ၵႃႈၼိူဝ်ၶဝ်ဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃး မီးဢမိင်ႉဢေႃႈ။-

“ဢွၼ်ၵၼ်ႁိမ်ႁူင်ႇသိမ်းဢဝ်ၵလႃႇဢုၵ်ႈၶဝ်၊ဢိၵ်ႇတင်းတရိၵ်ႈသၢၼ်ႇၶဝ်တင်းသဵင်ႈတင်းမူတ်းတႃႉ။ ၵဝ်တၵ်းဢဝ်ၵူၼ်းမဵဝ်းဢၼ်ၸၢင်ႈထႃၼူတ်ႇၵႅမ်ႈၼူတ်ႇၵၢင်းၶဝ်ၸိူဝ်းၼၼ်ႉၸၢတ်ႇပိုၼ်ၵႂႃႇၵူႈၽၢႆႇၵူႈပႃႈလႄႈၵဝ်တၵ်းႁႂ်ႈၽေးဢုပၢတ်ႈလုၵ်ႉသေၵူႈတီႈၵူႈလႅၼ်ႁွတ်ႈထိုင်မႃးၵႃႈၼိူဝ်ၶဝ်ဢေႃႈ။