Jeremiah 5:28 — Compare Translations

2 translations compared side by side

ၶဝ်ဢွၼ်ၵၼ် မီးတၢင်းဢၼ်ပီးလီမၼ်းလီယူႇ၊ တၢင်းဢၼ်ၼႃႈလိူမ်ႈလီ ၶျေႃးလီယူႇလႄႈ ၶဝ်ယဵင်ႈၶႅၼ်းႁၢႆႉလိူဝ်တွၼ်း ၼႃႇသေၵူၼ်းႁၢႆႉဢေႃႈ။ ၶဝ်ဢမ်ႇဢွၼ်ၵၼ်ၸီႇယၢင်ႇၸွမ်းၼင်ႇတြႃး။ ၶဝ်ဢမ်ႇဢွၼ်ၵၼ်ပႂ်ႉဢမူႉလုၵ်ႈဢွၼ်ႇဢၼ်ဢမ်ႇမီးပေႃႈမီးမႄႈ ၼၼ်ႉလႄႈ ပၼ်ႁႂ်ႈပႄႉႁႂ်ႈၼႅင်ႇ။ ၶဝ်ဢမ်ႇၸီႇယၢင်ႇၸွမ်းၼင်ႇတြႃး ၽၢႆႇၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ။-

ၶဝ်မီးတၢင်းဢၼ်ပီးလီမၼ်းလီလႄႈၼႃႈၸိုၼ်ႈလီသႂ်လီဢေႃႈ။ ၶဝ်ႁဵတ်းတၢင်းႁၢႆႉဢမ်ႇယဝ်ႉဢမ်ႇတူဝ်ႈသေပွၵ်ႈ။ ဢမုလုၵ်ႈဢွၼ်ႇဢၼ်ဢမ်ႇမီးပေႃႈမီးမႄႈၼၼ်ႉၶဝ်ဢမ်ႇဢွၼ်ၵၼ်ၸီႇယၢင်ႇၸွမ်းၼင်ႇတြႃး။ ၶဝ်ဢမ်ႇၵႅတ်ႇၶႄႁႄႉၵင်ႈဢၶႂၢင်ႉဢယေးပုၼ်ႈၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉ။