Jeremiah 50:44 — Compare Translations

2 translations compared side by side

တူၺ်းလူး၊ မၼ်းၼၼ်ႉ တၵ်းၶိုၼ်ႈၸူး ၵႃႈတီႈတီႈယူႇဢၼ်မၼ်ႈၶိူင်ႇ မိူၼ်ၸိူဝ်ႉၼင်ႇဢၼ် သၢင်ႇသီႈ လုၵ်ႉသေၵႃႈတီႈၵုင်ႇ သရေႇ ၼမ်ႉႁွင်ႈ ယေႃးတၢၼ်ႇ ၶိုၼ်ႈၼၼ်ႉလႄႈ ၵူၺ်းၵႃႈ ၵဝ်တၵ်းႁဵတ်းႁႂ်ႈမၼ်းၼၼ်ႉ ဢွၵ်ႇပၢႆႈဢေႃႈ။ ၵေႃႉဢၼ်လိူၵ်ႈၵဵပ်းဢဝ် ဢၼ်ဝႃႈ ၵေႃႉဢၼ်ၵဝ်တၵ်းၶၢၼ်းဝႆႉ ၵႃႈၼိူဝ်မၼ်းၼၼ်ႉ ပဵၼ်ၽူႈလႂ်။ ၽူႈလႂ်တၵ်းမိူၼ်ၵၼ်တင်းၵဝ်။ ၽူႈလႂ်တၵ်းမၵ်းၶၢၼ်း ၶိင်ႇမိူဝ်ႈဝႆႉတီႈၵဝ်။ ၵေႃႉဢၼ်လဵင်ႉသူဝ်းထိင်းသူဝ်း ဢၼ်ၸိူဝ်ႉၼင်ႇႁိုဝ်ၼၼ်ႉ တၵ်းၸုၵ်းယူႇၵႃႈတီႈၽၢႆႇၼႃႈၵဝ်။-

“ၵဝ်တၵ်းဢွၵ်ႇမႃးမိူၼ်ၸိူဝ်ႉၼင်ႇသၢင်ႇသီႈဢၼ်လုၵ်ႉသေၵႃႈတီႈထိူၼ်ႇတိုပ်းဢၼ်ၸွမ်းၼမ်ႉ ယေႃးတၢၼ်ႇ၊ ၼၼ်ႉသေယဝ်ႉ၊ဢွၵ်ႇမႃးတီႈပၢင်ႇယိူဝ်ႈၶဵဝ်လီၼၼ်ႉသေလႄႈတၵ်းႁႂ်ႈၶဝ်ဢွၵ်ႇပၢႆႈသေၵႃႈတီႈမိူင်းၶဝ်ၼၼ်ႉဢေႃႈ။ လိုၼ်းၼၼ်ႉၵဝ်တၵ်းၶၢၼ်းဝႆႉၶုၼ်ဢၼ်တၵ်းဢုပ်ႉပိူင်ႇမိူင်းၼၼ်ႉဢေႃႈ။ ၽူႈလႂ်တၵ်းမိူၼ်ၵၼ်တင်းၵဝ်။ ၽူႈလႂ်တၵ်းမၵ်းၶၢၼ်းၶိင်ႇယၢမ်းဝႆႉတီႈၵဝ်။ ၵေႃႉဢၼ်လဵင်ႉသူဝ်းထိင်းသူဝ်းၵေႃႉလႂ် တၵ်းၸုၵ်းယူႇၵႃႈတီႈၽၢႆႇၼႃႈၵဝ်၊” ဝႃႈၼင်ႇၼႆဢေႃႈ။-