Job 42:11 — Compare Translations

2 translations compared side by side

မိူဝ်ႈၼၼ်ႉပီႈၸၢႆးၼွင်ႉၸၢႆးမၼ်းတင်းသဵင်ႈတင်းလူင်၊ ပီႈၼၢင်းၼွင်ႉယိင်းမၼ်းတင်းသဵင်ႈတင်းလူင် ဢိၵ်ႇတင်းၶဝ်ၸိူဝ်းဢၼ်ႁူႉၸၵ်းမိုတ်ႈၵိုဝ်းမၼ်း မိူဝ်ႈဢွၼ်တၢင်းၵႃႈမီးၸိူဝ်းၼၼ်ႉ ဢွၼ်ၵၼ်မႃးၸူးၵႃႈတီႈမၼ်းလႄႈ ၵိၼ်ၶူပ်းလူၺ်ႈၵၼ်တင်းမၼ်းၵႃႈတီႈႁိူၼ်းမၼ်းဢေႃႈ။ ၶဝ်ဢွၼ်ၵၼ်ႁဵတ်းတၢင်းဢၼ် ၶၢင်းၶီၶၢင်းၽၢၼ်ဢိၵ်ႇတင်း တၢင်းဢၼ်ႁႂ်ႈပေႇၸႂ်ၼိမ်ၸႂ်လူၺ်ႈလွင်ႈတုၵ်ႉၶႃႉတၢင်းၽၢၼ်ဢၼ် ထႃႇဝရႃႉၽြႃးႁႂ်ႈႁွတ်ႈထိုင်ၵႃႈၼိူဝ်မၼ်းၵႃႈမီးၼၼ်ႉဢေႃႈ။ ၶဝ်ၼၼ်ႉဢွၼ်ၵၼ်ပၼ်ငိုၼ်း ယေႈၵေႃႉယေႈၶႅပ်း၊ သွႆၶမ်းႁွႆႈၶူႈလင် ယေႈၵေႃႉယေႈဢၼ်တီႈမၼ်းဢေႃႈ။

ၼင်ႇၼၼ်လႄႈပီႈဢၢႆႈမၼ်း၊ၼွင်ႉၸၢႆးမၼ်း၊ပီႈၼၢင်းမၼ်း၊ၼွင်ႉယိင်းမၼ်း၊ၵႃႈမီးတင်းသဵင်ႈတင်းလူင်၊ဢိၵ်ႇတင်းၶဝ်ၸိူဝ်းဢၼ်ႁုၸၵ်းမိုတ်ႈၵိုဝ်းမၼ်းမိူဝ်ႈၵွၼ်ႇဢွၼ်တၢင်းၵႃႈမီးၸိူဝ်းၼၼ်ႉဢွၼ်ၵၼ်မႃးသူႇမႃးၸႂ်းမၼ်းသေလႄႈၵိၼ်ၶူပ်းလူၺ်ႈၵၼ်တင်းမၼ်းၵႃႈတီႈႁိူၼ်းမၼ်းဢေႃႈ။ ၶဝ်ဢွၼ်ၵၼ်ၼႄပျႃးၸႂ်မႅတ်ႈတႃႇတီႈမၼ်းလႄႈဢွၼ်ၵၼ်လၢတ်ႈၵႂၢမ်းပၼ်ဢဵၼ်ပၼ်ႁႅင်းတီႈမၼ်းလူၺ်ႈလွင်ႈတုၵ်ႉၶႃႉတၢင်းၽၢၼ်ဢၼ် ထႃႇဝရႃႉၽြႃး၊ ႁႂ်ႈတူၵ်းႁွတ်ႈထိုင်ၵႃႈၼိူဝ်မၼ်းသေယဝ်ႉ၊ဢွၼ်ၵၼ်ပၼ်ငိုၼ်းယေႈၵေႃႉယေႈၶႅပ်း၊ဢိၵ်ႇတင်းမွင်းၵူၺ်းၶမ်းယေႈၵေႃႉယေႈဢၼ်တီႈမၼ်းဢေႃႈ။