John 18:37 — Compare Translations

2 translations compared side by side

ၶုၼ် ပီႉလတ်ႉ ၵေႃႈထၢမ်လႄႈဝႃႈ၊ ပေႃးပဵၼ်ၸိူဝ်ႉၼင်ႇၼႆၸိုင်၊ မႂ်းၸႂ်ႈၶုၼ်ႁေႃၶမ်းႁိုဝ်၊ ဝႃႈၼင်ႇၼႆသေယဝ်ႉ၊ ယေႇသူႉ ၵေႃႈၶိုၼ်းလၢတ်ႈလႄႈဝႃႈ၊ ၵဝ်ပဵၼ်ၶုၼ်ႁေႃၶမ်းမႅၼ်ႈၵႃႈၼင်ႇဢၼ်ၶုၼ်လူင်ထၢမ်ၼႆႉဢေႃႈ။ ၼင်ႇႁိုဝ်တၵ်းလႆႈၶၢမ်ႇသၢၵ်ႈသေႇ ၵႃႈတီႈၽၢႆႇသမ်ႇမႃႇတြႃးၸိုင်ၵဝ်ၶၢမ်ႇတၢင်းဢၼ်ၵိူတ်ႇလဵင်ႉမႃး ၼႂ်းလေႃးၵႃႉၼႆႉယဝ်ႉ။ ၶဝ်ၸိူဝ်းဢၼ်ၸၢပ်ႈသႅင်ႇၵၼ်တင်း သမ်ႇမႃႇတြႃး ၵႃႈမီးတင်းသဵင်ႈတင်းလူင်ၼၼ်ႉထွမ်ႇဢဝ်ၵႂၢမ်းၵဝ်ဢေႃႈ၊ ဝႃႈၼင်ႇၼႆဢေႃႈ။

ၶုၼ် ပိလတ်ႉ၊ သမ်ႉထၢမ်လႄႈဝႃႈ၊ “ပေႃးပဵၼ်ၼႆၸိုင်၊မႂ်းပဵၼ်ၶုၼ်ႁေႃၶမ်းတႄႉႁိုဝ်း၊” ဝႃႈၼင်ႇၼႆလႄႈ၊ ၸဝ်ႈယေႇသု၊ ၶိုၼ်းလၢတ်ႈလႄႈဝႃႈ၊ “ၶုၼ်လူင်လၢတ်ႈဝႃႈၵဝ်ပဵၼ်ၶုၼ်ႁေႃၶမ်းယဝ်ႉ။ ၵဝ်ၵိူတ်ႇလဵင်ႉမႃးၼႂ်းလေႃးၵႃႉၼႆႉတိုၼ်းပဵၼ်ပုၼ်ႈဢၼ်တၵ်းႁေႃးလၢတ်ႈသမ်ႇမႃႇတြႃးယဝ်ႉ။ ၶဝ်ၸိူဝ်းဢၼ်ၸၢပ်ႈသႅင်ႇၵၼ်တင်းသမ်ႇမႃႇတြႃးၵႃႈမီးတင်းသဵင်ႈတင်းလူင်ၼၼ်ႉထွမ်ႇဢဝ်ၵႂၢမ်းၵဝ်ဢေႃႈ၊” ဝႃႈၼင်ႇၼႆဢေႃႈ။