Joshua 10:40 — Compare Translations

2 translations compared side by side

ၼင်ႇၼၼ်လႄႈ ယေႃးသူႉ တိုၵ်းတေႃးယႃႉပႅတ်ႈမိူင်းတင်းမိူင်းဢၼ်ဝႃႈ ၵႃႈၼိူဝ်ႁၢၼ်ႉလွႆ၊ ၵႃႈတီႈပွတ်းတၢင်းၸၢၼ်း၊ ၵႃႈတႂ်ႈတီႈဢၼ်ပၢင်ႇဢၼ်ပဵင်း၊ ၵႃႈတီႈပဵမ်ႉလွႆ ဢိၵ်ႇတင်းၶုၼ်လူင်တင်းသဵင်ႈတင်းလူင်လႄႈ ယင်းဢမ်ႇႁႂ်ႈၵိုတ်းၵျၢၼ်ႇဝႆႉသေၵေႃႉသေၵူၼ်းလႄႈ ပႄႇၽဵဝ်ႈၵႃႈဢၼ်ထူၺ်ႈၸႂ်ဢွၵ်ႇထူၺ်ႈၸႂ်ၶဝ်ႈယူႇၼၼ်ႉပႅတ်ႈ မူတ်းမူတ်းသဵင်ႈသဵင်ႈၸွမ်းၵႃႈၼင်ႇဢၼ်ထႃႇဝရႃႉၽြႃး ၽြႃးပဵၼ်ၸဝ်ႈ ၵူၼ်းမဵဝ်း ဢီႉသရေႇလႃႉ တင်းလၢႆ သင်ႇလၢတ်ႈဝႆႉၼၼ်ႉဢေႃႈ။-

ယေႃးသု၊ ပႄႉၼႅင်ႇပႅတ်ႈတင်းမိူင်းယဝ်ႉဢေႃႈ။ မၼ်းတိုၵ်းပႄႉၶုၼ်ႁေႃၶမ်းတင်းလၢႆဢၼ်မီးၵႃႈတီႈမိူင်းလွႆ၊မိူင်းတၢပ်ႈလွႆဢၼ်ႁႄႈၸူးၽၢႆႇတၢင်းဝၼ်းဢွၵ်ႇ၊မိူင်းဢၼ်မီးတီႈတိၼ်လွႆၽၢႆႇတၢင်းဝၼ်းတူၵ်း၊ဢိၵ်ႇတင်းမိူင်းဢၼ်ႁႅင်ႈဢၼ်ႁွင်ဢၼ်ယူႇၽၢႆႇတၢင်းၸၢၼ်းၸိူဝ်းၼၼ်ႉဢေႃႈ။ မၼ်းဢဝ်ၵူၼ်းဝဵင်းတင်းလၢႆတၢႆၵူႈၵေႃႉၵူႈၵူၼ်းလႄႈယင်းဢမ်ႇႁႂ်ႈလႆႈဢသၢၵ်ႈၶျၢမ်းသႃႇသေၵေႃႉသေၵူၼ်း၊ၸွမ်းၵႃႈၼင်ႇဢၼ် ထႃႇဝရႃႉၽြႃး၊ ၽြႃးပဵၼ်ၸဝ်ႈမဵဝ်း ဢိသရေး၊ မီးဢမိင်ႉဝႆႉၼၼ်ႉဢေႃႈ။-