Joshua 17:14 — Compare Translations

2 translations compared side by side

ၵူၼ်းမဵဝ်း ယူဝ်းသႅပ်ႈ တင်းလၢႆ ဢွၼ်ၵၼ်လဝ်ႊထၢမ်တီႈ ယေႃးသူႉ လႄႈဝႃႈ၊ ထႃႇဝရႃႉၽြႃးပၼ်တၢင်းလီမင်ႇၵလႃႇတီႈၵဝ်ၶႃႈသေယဝ်ႉ၊ ၵဝ်ၶႃႈပဵၼ်မဵဝ်းယႂ်ႇမဵဝ်းလူင်ယူႇလႄႈ၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၸဝ်ႈႁဝ်းပၼ်တႃႇလဵဝ်ပုၼ်ႈလဵဝ်ၵူၺ်းတီႈၵဝ်ၶႃႈၼင်ႇႁိုဝ်ၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊-

လုၵ်ႈလၢၼ်ၸိူဝ်ႉၶိူဝ်း ယူဝ်းသႅပ်ႈ၊ လဝ်ႈလၢတ်ႈတီႈ ယေႃးသု၊ လႄႈဝႃႈ၊ “ႁဝ်းၶႃႈၼႆႉပဵၼ်ၸိူဝ်ႉၶိူဝ်းဢၼ်ၼမ်ၵိုၼ်းၼႃႇၵွပ်ႈပိူဝ်ႈ ထႃႇဝရႃႉၽြႃး၊ ပၼ်တၢင်းလီတီႈႁဝ်းၶႃႈၼၼ်ႉယဝ်ႉ။ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းၵူၺ်းပၼ်ပုၼ်ႈလဵဝ်တႃႇလဵဝ်တီႈႁဝ်းၶႃႈၼင်ႇႁိုဝ်ၶႃႈ၊” ဝႃႈၼင်ႇၼႆဢေႃႈ။