Joshua 17:2 — Compare Translations

2 translations compared side by side

ၼွၵ်ႈသေၼၼ်ႉ လိၼ်ဢၼ်ႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈမႅင်ႇပၼ်ၼၼ်ႉၸိုင် ပဵၼ်ပုၼ်ႈလုၵ်ႈၸၢႆး မၼႃႇသေႇ ဢၼ်ၵိုတ်းဢၼ်ၵျၢၼ်ႇၼၼ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ဢၼ်ဝႃႈ၊ ပုၼ်ႈၵူၼ်းမဵဝ်း ဢပျေႇၸႃႇ ၊ ၵူၼ်းမဵဝ်း ႁေးလိၵ်ႉ ၊ ၵူၼ်းမဵဝ်း ဢႃႇသရေးလႃႉ ၊ ၵူၼ်းမဵဝ်း သေႇၶိမ်ႇ ၊ ၵူၼ်းမဵဝ်း ႁေႇၽႃႇ ၊ ၵူၼ်းမဵဝ်း သမီႉတႃႇ ၸိူဝ်းၼၼ်ႉဢေႃႈ။ ၶဝ်ၸိူဝ်းၼႆႉ ပဵၼ်ၵူၼ်းၸၢႆးမဵဝ်း မၼႃႇသေႇ ဢၼ်ပဵၼ်လုၵ်ႈၸၢႆး ယူဝ်းသႅပ်ႈ ၸွမ်းလူၺ်ႈမဵဝ်းပီႈမဵဝ်းၼွင်ႉၶဝ်ႁင်းၽႂ်ႁင်းမၼ်းဢေႃႈ။-

လိၼ်မိူင်းပွတ်းဝၼ်းတူၵ်းၼမ်ႉ ယေႃးတၢၼ်ႇ၊ ၼၼ်ႉလႆႈမႅင်ႇပၼ်တီႈလုၵ်ႈလၢၼ်ၶိူဝ်းႁိူၼ်း မၼႃႇသေႇ၊ ၸိူဝ်းဢၼ်ၵိုတ်းဢၼ်ၵျၢၼ်ႇၸွမ်းလူၺ်ႈၶိူဝ်းႁိူၼ်းၶဝ်ဢၼ်ဝႃႈ၊ၶိူဝ်းႁိူၼ်း ဢပျေႇၸႃႇ၊ ၶိူဝ်းႁိူၼ်း ႁေႇလိၵ်ႉ၊ ၶိူဝ်းႁိူၼ်း ဢႃႇသရေးလႃႉ၊ ၶိူဝ်းႁိူၼ်း သေးၶိမ်ႇ၊ ၶိူဝ်းႁိူၼ်း ႁေႇၽႃႇ၊ ၶိူဝ်းႁိူၼ်း သမိတႃႉ၊ ၸိူဝ်းၼၼ်ႉႁင်းၽႂ်ႁင်းမၼ်းဢေႃႈ။ ၶဝ်ၸိူဝ်းၼၼ်ႉပဵၼ်ၶိူဝ်းလုၵ်ႈၸၢႆးဢၼ်သိုပ်ႇလူင်းမႃးတီႈ မၼႃႇသေႇ၊ လုၵ်ႈၸၢႆး ယူဝ်းသႅပ်ႈ၊ လႄႈပဵၼ်ႁူဝ်ႁိူၼ်းၸွမ်းလူၺ်ႈၶိူဝ်းႁိူၼ်းၶဝ်ႁင်းၽႂ်ႁင်းမၼ်းဢေႃႈ။-