Joshua 18:14 — Compare Translations

2 translations compared side by side

လႅၼ်လိၼ်ၼၼ်ႉသမ်ႉ ဢွၵ်ႇသေၵႃႈတီႈလွႆ ဢၼ်မီးၵႃႈတီႈၽၢႆႇၼႃႈဝဵင်း ပႅတ်ႉႁေႃႇရုၼ်ႇ ဢၼ်ၵႃႈတႂ်ႈၼႃႈတၢင်းၸၢၼ်းမၼ်းၼၼ်ႉသေလႄႈ ငႅၵ်းလဵပ်ႈၸွမ်းႁိမ်းၽၢႆႇၼႃႈတၢင်းဝၼ်းတူၵ်း ဝၢႆႇၼႃႈၵႂႃႇၸူးၽၢႆႇတၢင်းၸၢၼ်းသေယဝ်ႉ၊ တီႈသုတ်းတီႈတိူၵ်ႈမၼ်း ပဵၼ်ၵႃႈတီႈဝဵင်း ၵီႉရယတ်ႉပႃႇလႃႉ ဢၼ်ဝႃႈ ယႃႇရိမ်း ဢၼ်ၵူၼ်းမဵဝ်း ယူႉတႃႉ ယူႇၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်ၶွပ်ႇၼမ်ႉလႅၼ်လိၼ်ၽၢႆႇဝၼ်းတူၵ်းဢေႃႈ။-

လႅၼ်လိၼ်မၼ်းသမ်ႉငႅၵ်းၵႂႃႇၼႃႈတၢင်းၸၢၼ်းလႄႈၸႃႉဢဝ်ၵႃႈတီႈၽၢႆႇတၢင်းဝၼ်းတူၵ်းလွႆၸိူဝ်းၼၼ်ႉလႄႈၵႂႃႇသုတ်းတိူၵ်ႉၵႃႈတီႈဝဵင်း ၵိရိယႃႉပႃႇလႃႉ၊ (ဢၼ်ဝႃႈ၊ဝဵင်း ယႃႇရိမ်ႇ၊) ဢၼ်ၸိူဝ်ႉၶိူဝ်း ယုတႃႉ၊ ယူႇၼၼ်ႉဢေႃႈ။ ဢၼ်ၼႆႉၸမ်ႉ၊ပဵၼ်ၶွပ်ႇၼမ်ႉလႅၼ်လိၼ်ၽၢႆႇတၢင်းဝၼ်းတူၵ်းဢေႃႈ။-