Joshua 22:29 — Compare Translations

2 translations compared side by side

ႁႂ်ႈဢမူႉတၢင်းဢၼ်ပုင်ႇၵၢၼ်ႇထႃႇဝရႃႉၽြႃးလႄႈ ယင်းဢမ်ႇၸွမ်းလင်မၼ်းၸဝ်ႈလႄႈ ဝႄႈပိူင်ႈၵႂႃႇလူၺ်ႈတၢင်းဢၼ် တႄႇႁဵတ်းယိတ်ႈပလၢင်ႇတၢင်ႇၸိူဝ်ႉတၢင်ႇဢၼ် ၼွၵ်ႈသေယိတ်ႈပလၢင်ႇထႃႇဝရႃႉၽြႃး ၽြႃးပဵၼ်ၸဝ်ႈႁဝ်းဢၼ်မီး ၵႃႈတီႈၽၢႆႇၼႃႈသုမ်ႉထဵင်ၸဝ်ႈၼၼ်ႉသေလႄႈ ႁဵတ်းၸႃႉၸဵမ်ယိတ်ႈဢၼ်တုတ်ႇၽႆးလႄႈ ယိတ်ႈတၢင်ႇၸိူဝ်ႉတၢင်ႇမဵဝ်း တင်းၶိူင်ႈပုၵ်ႈၸေႃႇၽေႃးၸဵၼ်ႇၼၼ်ႉ ၵႆၵၼ်တင်းႁဝ်းသေၵမ်းလူၺ်ႈ၊ ဝႃႈၼင်ႇၼႆဢေႃႈ။

ႁဝ်းၼႆႉတိုၼ်းဢမ်ႇႁဵတ်းတၢင်းဢၼ်လုၵ်ႉၽိုၼ်ႉ ထႃႇဝရႃႉၽြႃး၊ တိုၼ်းဢမ်ႇဝႄႈပိူင်ႈသေတၢင်းဢၼ်ၸွမ်းလင်မၼ်းၸဝ်ႈၼႂ်းတၢင်းဢၼ်တႄႇတင်ႈၶဵင်ႇတၢင်းလူႇပုၼ်ႈဢၼ်တၵ်းၽဝ်ၶိူင်ႈတၢင်းလူႇၵႃႈၼိူဝ်မၼ်းလႂ်၊ၶိူင်ႈတၢင်းလူႇမၢၵ်ႇၶဝ်ႈႁူင်းၶဝ်ႈလႂ်၊ဢမ်ႇၼၼ်ၶိူင်ႈတၢင်းလူႇတၢင်ႇၸိူဝ်ႉတၢင်ႇမဵဝ်းလႂ်ၼၼ်ႉလႃးလႃး။ ၼွၵ်ႈသေၶဵင်ႇတၢင်းလူႇ ထႃႇဝရႃႉၽြႃး၊ ၽြႃးပဵၼ်ၸဝ်ႈႁဝ်းဢၼ်တႄႇတင်ႈယူႇၵႃႈတီႈၽၢႆႇၼႃႈသုမ်ႉထဵင်ၸဝ်ႈလႄႈႁဝ်းတိုၼ်းဢမ်ႇတႄႇဢမ်ႇတင်ႈၶဵင်ႇတၢင်းလူႇတၢင်ႇၸိူဝ်ႉတၢင်ႇဢၼ်လႃးလႃး၊” ဝႃႈၼင်ႇၼႆဢေႃႈ။