Joshua 5:1 — Compare Translations

2 translations compared side by side

မိူဝ်ႈဢၼ်ၶုၼ်လူင် ဢႃႇမေႃးရီႉ ဢၼ်ယူႇၽၢႆႇဝၼ်းတူၵ်းၼမ်ႉႁွင်ႈ ယေႃးတၢၼ်ႇ တင်းသဵင်ႈတင်းလူင် ဢိၵ်ႇတင်းၶုၼ်လူင် ၶႃႇၼၼီႉ ဢၼ်ယူႇၵႃႈႁိမ်းပၢင်ႇလၢႆႇတင်းသဵင်ႈတင်းလူင်ၼၼ်ႉ ႁူႉငိၼ်းလွင်ႈဢၼ်ထႃႇဝရႃႉၽြႃး ႁႂ်ႈၼမ်ႉၼႂ်းၼမ်ႉႁွင်ႈ ယေႃးတၢၼ်ႇ ယူတ်းႁႅင်ႈၵႂႃႇၵႃႈတီႈ ၽၢႆႇၼႃႈၵူၼ်းမဵဝ်း ဢီႉသရေႇလႃႉ တင်းလၢႆ တေႃႇထိုင်ႁွတ်ႈႁဝ်းထၼ်ႈပေႃးလႆႈၶၢမ်ႈမႃးၼၼ်ႉၸိုင်၊ ႁူဝ်ၸႂ်ၶဝ်ၸိူမ်ႈယၢႆႈၵႂႃႇလႄႈ တၢင်းဢၼ်ၵတ်ႉၶၼ်ႁတ်းႁၢၼ်ၶဝ်ဢမ်ႇၵိုတ်းဢမ်ႇၵျၢၼ်ႇဝႆႉတီႈၶဝ်လႃးလႃး ၵွပ်ႈပိူဝ်ႈၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉဢေႃႈ။

ၵႃႈဢၼ်ပဵၼ်ၶုၼ်ႁေႃၶမ်းၵူၼ်းမဵဝ်း ဢႃႇမေႃးရိ၊ ဢၼ်ယူႇၽၢႆႇဝၼ်းတူၵ်းၼမ်ႉ ယေႃးတၢၼ်ႇ၊ ဢိၵ်ႇတင်းၵႃႈဢၼ်ပဵၼ်ၶုၼ်ႁေႃၶမ်းၵူၼ်းမဵဝ်း ၶႃႇၼၼိ၊ ၸွမ်းသၢပ်ႇပၢင်ႇလၢႆႇ မေႇတိထေးရီးယၼ်း၊ ၸိူဝ်းၼၼ်ႉတင်းသဵင်ႈတင်းလူင်ႁုငိၼ်းလွင်ႈဢၼ် ထႃႇဝရႃႉၽြႃး၊ ႁႂ်ႈၼမ်ႉ ယေႃးတၢၼ်ႇ၊ ယူတ်းႁႅင်ႈၵႂႃႇတေႃႇထိုင်ႁွတ်ႈၵူၼ်းမဵဝ်း ဢိသရေး၊ တင်းလၢႆထၢၼ်ႈပေႃးၶၢမ်ႈပူၼ်ႉမႃးၼၼ်ႉၸိုင်၊ၶဝ်ဢွၼ်ၵၼ်ၵူဝ်ႁႄၼႃႇလူင်လၢင်ၵႂႃႇလႄႈတၢင်းဢၼ်ၵတ်ႉၶၼ်ႁတ်းႁၢၼ်ၶဝ်သုမ်းႁၢႆၵႂႃႇၵွပ်ႈပိူဝ်ႈၵူၼ်းမဵဝ်း ဢိသရေး၊ ၶဝ်ၼၼ်ႉဢေႃႈ။