Joshua 6:20 — Compare Translations

2 translations compared side by side

ၼင်ႇၼၼ်လႄႈ ၵူၼ်းတင်းလၢႆဢွၼ်ၵၼ်ႁွင်ႉသႅၼ်ႇလႄႈ ယိတ်ႈပရေႃးႁဵၵ်ႈၸိူဝ်းၼၼ်ႉၵေႃႈပဝ်ႇၼႄးၶရႃႇၸိူဝ်းၼၼ်ႉဢေႃႈ။ မိူဝ်ႈဢၼ်ၵူၼ်းတင်းလၢႆ ငိၼ်းသဵင်ၼႄးၶရႃႇၼၼ်ႉၸိုင် ၵူၼ်းတင်းလၢႆႁဵတ်းတင်းသဵင်ဢၼ်ယႂ်ႇၼႃႇႁွင်ႉသႅၼ်ႇလႄႈ လမ်းဝဵင်းၼၼ်ႉလူမ်ႉပင်းၵႂႃႇတင်းသဵင်ႈတင်းမူတ်း တေႃႇထိုင်ႁွတ်ႈထၼ်ႈပေႃးၵူၼ်းတင်းလၢႆလႆႈၶိုၼ်ႈၸူးၵႃႈၼႂ်းဝဵင်းၼၼ်ႉ ၵႃႈတီႈသိုဝ်ႈၽႂ်သိုဝ်ႈမၼ်းၵူႈၵေႃႉၵူႈၵူၼ်းလႄႈ သိမ်းဢဝ်ဝဵင်းၼၼ်ႉဢေႃႈ။-

ပိူဝ်ႈၼႆလႄႈယဵၸ်ႈပရေႃးႁဵၵ်ႈၸိူဝ်းၼၼ်ႉပဝ်ႇတိုင်ႈတုတ်ႇၶဝ်ဢေႃႈ။ မိူဝ်ႈဢၼ်ၵူၼ်းတင်းလၢႆလႆႈငိၼ်းသဵင်ၼၼ်ႉၸိုင်၊ၶဝ်ႁဵတ်းသဵင်ဢၼ်ယႂ်ႇၼႃႇႁွင်ႉသႅၼ်ႇၵမ်းလဵဝ်လႄႈလမ်းဝဵင်းၼၼ်ႉလူမ်ႉပင်းၵႂႃႇဢေႃႈ။ မိူဝ်ႈၼၼ်ႉတပ်ႉသိုၵ်းတင်းသဵင်ႈတင်းလူင်ဢွၼ်ၵၼ်ၶိုၼ်ႈၵႂႃႇသိုဝ်ႈၽႂ်တၼ်းမၼ်းၶဝ်ႈၵႂႃႇၵႃႈၼႂ်းဝဵင်းလႄႈသိမ်းဢဝ်ဝဵင်းၼၼ်ႉဢေႃႈ။-