Judges 13:8 — Compare Translations

2 translations compared side by side

မိူဝ်ႈၼၼ်ႉ မႃႇၼေႃႇ လဝ်ႊလၢတ်ႈတီႈထႃႇဝရႃႉၽြႃးလႄႈဝႃႈ၊ ၸဝ်ႈၽြႃးတီႈၶႃႈ၊ ၶႅၼ်းတေႃႈႁႂ်ႈၵူၼ်းၽြႃးပဵၼ်ၸဝ်ႈ ဢၼ်ၸဝ်ႈႁဝ်းပွႆႇၸႂ်ႉမႃးၼၼ်ႉ သမ်ႉမႃးတီႈၶႃႈၸဝ်ႈႁဝ်းၸိူဝ်းၼႆႉထႅင်ႈလႄႈ သင်ႇသွၼ်ပၼ်လွင်ႈဢၼ်ၶႃႈၸဝ်ႈႁဝ်းၸိူဝ်းၼႆႉ တၵ်းလႆႈႁဵတ်းၸိူဝ်ႉၼင်ႇႁိုဝ် တီႈလုၵ်ႈဢွၼ်ႇဢၼ်တၵ်းၵိူတ်ႇလဵင်ႉမႃးၼၼ်ႉသေၵမ်းတီႈၶႃႈ၊ ဝႃႈၼင်ႇၼႆသေယဝ်ႉ၊-

မႃႇၼေႃႇ၊ သူးတွင်းတီႈၽြႃးပဵၼ်ၸဝ်ႈလႄႈဝႃႈ၊ “ ထႃႇဝရႃႉၽြႃး၊ တီႈၶႃႈ။ ပေႃးၸဝ်ႈႁဝ်းမီးတၢင်းဢၼ်ထုၵ်ႇၸႂ်ၵျိူၵ်ႈၸႂ်ၸိုင်၊ၶႅၼ်းတေႃႈႁႂ်ႈၵူၼ်းၽြႃးပဵၼ်ၸဝ်ႈဢၼ်ၸဝ်ႈႁဝ်းပွႆႇၸႂ်ႉမႃးၼၼ်ႉသမ်ႉမႃးတီႈၶႃႈၸဝ်ႈႁဝ်းၶဝ်ထႅင်ႈလႄႈသင်ႇသွၼ်ပၼ်လွင်ႈဢၼ်ၶႃႈၸဝ်ႈႁဝ်းၶဝ်တၵ်းလႆႈႁဵတ်းၸိူဝ်ႉၼင်ႇႁိုဝ်တီႈလုၵ်ႈဢွၼ်ႇဢၼ်တၵ်းၵိူတ်ႇလဵင်ႉမႃးၼၼ်ႉသေၵမ်းတီႈၶႃႈ၊” ဝႃႈၼင်ႇၼႆလႄႈ။