Judges 14:15 — Compare Translations

2 translations compared side by side

ႁွတ်ႈထိုင်ဝၼ်းၸတုၵ်ႉထႃႉသေယဝ်ႉ၊ ၶဝ်ၼၼ်ႉလၢတ်ႈတီႈမေး သၢမ်ႇသုၼ်ႇ ၼၼ်ႉလႄႈဝႃႈ၊ မႂ်းတၵ်းလႆႈၶျေႃးၽူဝ်မႂ်း ႁႂ်ႈမၼ်းၽုၺ်ႇဢွၵ်ႇၼႄပျႃးဢၼၢၵ်ႈဢထိၵ်ႈပႄႇၵႂၢမ်းသိူင်ႇၵႂၢမ်းဢမ်ၼၼ်ႉဢေႃႈ။ ပေႃးဢမ်ႇၼၼ် ႁဝ်းတၵ်းဢဝ်ၽႆးတုတ်ႇမႂ်းဢိၵ်ႇတင်းပီႈၼွင်ႉၸိူဝ်ႉၶိူဝ်းမႂ်းဢေႃႈ။ မႂ်းႁွင်ႉပၢင်းႁဝ်းမႃးႁႂ်ႈလႆႈႁိမ်ဢဝ်ဢုၵ်ႉၸႃႇႁဝ်းႁိုဝ်။ ဝႃႈၼင်ႇၼႆဢေႃႈ။-

မိူဝ်ႈဢၼ်ထူၼ်ႈထိုင်သီႇဝၼ်းၼၼ်ႉၶဝ်ဢွၼ်ၵၼ်လၢတ်ႈတီႈမေး သၢမ်ႇသုၼ်ႇ၊ လႄႈဝႃႈ၊ “မႂ်းၶျေႃးဝွၼ်းၽူဝ်မႂ်းႁႂ်ႈမၼ်းမွၵ်ႇလၢတ်ႈဢထိၵ်ႈပႄႇၵႂၢမ်းသိူင်ႇၵႂၢမ်းဢမ်ၼၼ်ႉတီႈမႂ်းတႃႉ။ ပေႃးဢမ်ႇၼၼ်ႁဝ်းတၵ်းဢဝ်ၽႆးတုတ်ႇမႂ်းဢိၵ်ႇတင်းၵူၼ်းႁိူၼ်းၵူၼ်းယေးပေႃႈမႂ်းပႅတ်ႈဢေႃႈ။ သူၽူဝ်မေးၽိတ်ႈပၢင်းႁဝ်းမႃးပုၼ်ႈတႃႇတၵ်းၸူၼ်ဢဝ်ႁဝ်းႁိုဝ်း၊” ဝႃႈၼင်ႇၼႆဢေႃႈ။