Judges 14:3 — Compare Translations

2 translations compared side by side

ပေႃႈမႄႈမၼ်းၵေႃႈတွင်ႈထၢမ်လႄႈဝႃႈ၊ လွင်ႈၼင်ႇႁိုဝ်မႂ်းတၵ်းလႆႈၵႂႃႇလႄႈ ဢဝ်မေးၵႃႈၼႂ်းၵူၼ်း ၽီႉလိတ်ႉတီႉ ဢၼ်ဢမ်ႇတွၼ်ႉၶၢမ်ႇတၢင်းဢၼ်ထိူဝ်ႁိမ်းၸိူဝ်းၼၼ်ႉၸိုင်၊ ၵႃႈၼႂ်းလုၵ်ႈယိင်းပီႈမႂ်းၼွင်ႉမႂ်း ဢိၵ်ႇတင်းၵႃႈၼႂ်းလုၵ်ႈယိင်းမဵဝ်းၸိူဝ်ႉၶိူဝ်းႁဝ်းၼႆႉ ဢမ်ႇမီးမႄႈယိင်းသေၵေႃႉသေၵူၼ်းႁိုဝ်။ ဝႃႈၼင်ႇၼႆသေၵေႃႈ၊ သၢမ်ႇသုၼ်ႇ လၢတ်ႈ တီႈပေႃႈမၼ်းလႄႈဝႃႈ တွင်ႈယွၼ်းဢဝ်မၼ်းၼၼ်ႉလႄႈ ပၼ်ၵဝ်ၶႃႈသေၵမ်း။ မၼ်းထုၵ်ႇၸႂ်ၵျိူၵ်ႈၸႂ်ၵဝ်ၶႃႈၼႃႇလူင်လၢင်ဢေႃႈ၊ ဝႃႈၼင်ႇၼႆဢေႃႈ။-

ၵူၺ်းၵႃႈ၊ပေႃႈမႄႈမၼ်းတွင်ႈထၢမ်လႄႈဝႃႈ၊ “ၵွပ်ႈလွင်ႈၸိူဝ်ႉႁိုဝ်လႄႈမႂ်းလူဝ်ႇလႆႈၵႂႃႇဢဝ်မေးၼႂ်းမဵဝ်း ၽိလိတ်ႉတိ၊ ဢၼ်ပဵၼ်ၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၼၼ်ႉ။ မႂ်းဢမ်ႇၸၢင်ႈၵႂႃႇႁႃဢဝ်သၢဝ်ၵႃႈၼႂ်းၶိူဝ်းႁိူၼ်းမႂ်းၼင်ႇၵၼ်၊ၵႃႈၼႂ်းၵူၼ်းမဵဝ်းႁဝ်းၼင်ႇၵၼ်ႁိုဝ်း၊” ဝႃႈၼင်ႇၼႆဢေႃႈ။ ၵူၺ်းၵႃႈ၊ သၢမ်ႇသုၼ်ႇ၊ လၢတ်ႈတီႈပေႃႈမႄႈမၼ်းလႄႈဝႃႈ၊ “ယွၼ်းဢဝ်မၼ်းၼၼ်ႉလႄႈပၼ်ၵဝ်ၶႃႈသေၵမ်း။ ၵဝ်ၶႃႈၵျိူၵ်ႈႁၵ်ႉမၼ်းၶႃႈဢေႃႈ၊” ဝႃႈၼင်ႇၼႆဢေႃႈ။