Judges 3:15 — Compare Translations

2 translations compared side by side

မိူဝ်ႈဢၼ်ၵူၼ်းမဵဝ်း ဢီႉသရေႇလႃႉ တင်းလၢႆ ႁွင်ႉသႅၼ်ႇတီႈထႃႇဝရႃႉၽြႃးၼၼ်ႉၸိုင် ထႃႇဝရႃႉၽြႃးႁႂ်ႈၵေႃႉဢၼ်ၵႄႇသႄႇၶျွတ်ႈဢဝ်ဢၼ်ဝႃႈ ဢေႇႁူႉတႃႉ ၊ လုၵ်ႈၸၢႆး ၵေးရႃႉ ၊ မဵဝ်း ပိၼ်ႇယႃႇမိၼ်ႇ ၊ ဢၼ်ၸၢင်ႈဢဝ်ၶွၼ်သၢႆႉယိပ်းသုင်းၼၼ်ႉ ပေႃႇဢွၵ်ႇပဵၼ်မႃးဢေႃႈ။ ၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉ ဢဝ်လၢၵ်ႈသွင်ႇသႂ်ႇပၼ်ၵႃႈၼႂ်းမိုဝ်းမၼ်းၼၼ်ႉ ၵႂႃႇၸူးၵႃႈတီႈ ဢေႇၵလုၼ်ႇ ၊ ၶုၼ်ႁေႃၶမ်း မေႃႇၽႃႉ ၼၼ်ႉဢေႃႈ။-

မိူဝ်ႈၼၼ်ႉ၊ၵူၼ်းမဵဝ်း ဢိသရေး၊ တင်းလၢႆဢွၼ်ၵၼ်ႁွင်ႉႁႆႈတီႈ ထႃႇဝရႃႉၽြႃး၊ သေလႄႈမၼ်းၸဝ်ႈပွႆႇၸႂ်ႉၵူၼ်းၵေႃႉၼိုင်ႈၵႂႃႇႁႂ်ႈလႆႈပွႆႇၶဝ်လွတ်ႈဢေႃႈ။ ၵေႃႉၼၼ်ႉပဵၼ် ဢေႇႁုတ်ႉ၊ ၵူၼ်းမိုဝ်းသၢႆႉဢၼ်ပဵၼ်လုၵ်ႈၸၢႆး ၵေးရႃႉ၊ ၵႃႈၼႂ်းၸိူဝ်ႉၶိူဝ်း ပိၼ်ႇယႃႇမိၼ်ႇ၊ ၼၼ်ႉဢေႃႈ။ ၵူၼ်းမဵဝ်း ဢိသရေး၊ တင်းလၢႆႁႂ်ႈမၼ်းၼၼ်ႉပႃးဢဝ်တင်းလၢၵ်ႈသွင်ႇသေလႄႈၵႂႃႇၸူးတီႈၶုၼ်ႁေႃၶမ်း ဢေႇၵလွၼ်ႇ၊ မိူင်း မေႃႇၽႃႉ၊ ပုၼ်ႉဢေႃႈ။-