Leviticus 25:50 — Compare Translations

2 translations compared side by side

မၼ်းတၵ်းလႆႈၼပ်ႉဢၢၼ်ႇပီႊ ၸႃႉၸဵမ်ပီႊဢၼ်မၼ်းဢဝ်တူဝ်ၸဝ်ႈၵဝ်ႇၶၢႆပၼ်ၼၼ်ႉလႄႈ တေႃႇထိုင်ႁွတ်ႈ ပီႊ ယူႉပီႉလီႉ ၼၼ်ႉ လူၺ်ႈၵၼ်တင်းၵေႃႉဢၼ်သိုဝ်ႉဢဝ်မၼ်းၼၼ်ႉသေလႄႈ ၵႃႈၶၼ်ဢၼ်မၼ်းတၵ်းလႆႈပၼ်ၼၼ်ႉ မၼ်းတၵ်းလႆႈၸွမ်းလူၺ်ႈပီႊၼမ်ပီႊၵေႇၼၼ်ႉဢေႃႈ။ တၵ်းလႆႈပဵၼ်ၸွမ်းလူၺ်ႈၶိင်ႇၵႃႇလႃႉ ဢၼ်ၵူၼ်းၵိၼ်ၸၢင်ႈၵိၼ်ငႃ ႁဵတ်းၼၼ်ႉဢေႃႈ။-

မၼ်းတၵ်းလႆႈၶိုင်ပွင်လူၺ်ႈၵၼ်တင်းၵေႃႉဢၼ်သိုဝ်ႉဢဝ်မၼ်းၼၼ်ႉသေလႄႈၶဝ်တၵ်းလႆႈၼပ်ႉဢၢၼ်ႇပီဢၼ်ၸႃႉတႄႇဢဝ်ၸဵမ်မိူဝ်ႈမၼ်းဢဝ်တူဝ်မၼ်းၶၢႆပၼ်ၼၼ်ႉတေႃႇထိုင်ႁွတ်ႈပီဢၼ်ပၼ်ၶိုၼ်းသေယဝ်ႉ၊မၵ်းၶၢၼ်းၵႃႈၶၼ်ပုၼ်ႈဢၼ်တၵ်းပွႆႇမၼ်းၸွမ်းလူၺ်ႈၵႃႈႁႅင်းၵူၼ်းၵိၼ်ၸၢင်ႈၵိၼ်ငႃၼၼ်ႉဢေႃႈ။-