Luke 13:14 — Compare Translations

2 translations compared side by side

ပိူဝ်ႈဢၼ် ယေႇသူႉ ႁႂ်ႈတၢင်းၶႆႈတၢင်းပဵၼ်ၼၼ်ႉႁၢႆၼႂ်းဝၼ်းၵမ်သိၼ်လႄႈ၊ ၵႄႇၸရွပ်ႈႁေႃးတြႃး မီးတၢင်းဢၼ်ၸႂ်မႆႈၶႆႈၸႃႉလႄႈလၢတ်ႈတီႈပရဵၵ်ႈသၢတ်ႈတင်းလၢႆၸိူဝ်းၼၼ်ႉလႄႈဝႃႈ၊ ပုၼ်ႈဢၼ်ၵူၼ်းတၵ်းလႆႈႁဵတ်းတၢင်းႁဵတ်းၸိုင် မီးႁူၵ်းဝၼ်းဢေႃႈ။ ၵႃႈၼႂ်းဝၼ်းၸိူဝ်းၼၼ်ႉ မႃးလႄႈၶၢမ်ႇၵျေးၸူးတၢင်းဢၼ်ႁႂ်ႈ တၢင်းၶႆႈတၢင်းပဵၼ်ႁၢႆတႃႉ။ ၼႂ်းဝၼ်းၵမ်သိၼ်၊ ယႃႇပေမႃး၊ ယႃႇပေၶၢမ်ႇ၊ ဝႃႈၼင်ႇၼႆဢေႃႈ။-

မိူဝ်ႈဢၼ် ၸဝ်ႈယေႇသု၊ ႁႂ်ႈတၢင်းၶႆႈတၢင်းပဵၼ်ၸိုၼ်ႈႁၢႆၼႂ်းဝၼ်းၵမ်သိၼ်လႄႈၵူၼ်းဢွၼ်ႁူဝ်ၸရွပ်ႈႁေႃးတြႃးၶႂ်ႈၸႃႉၼႃႇသေယဝ်ႉ၊လၢတ်ႈတီႈမူႇၵူၼ်းၸိူဝ်းၼၼ်ႉလႄႈဝႃႈ၊ “ပုၼ်ႈတႃႇၵူၼ်းတေႁဵတ်းၵၢၼ်ၸိုင်၊မီးႁူၵ်းဝၼ်းဢေႃႈ။ မႃးၶၢမ်ႇဢဝ်တၢင်းဢၼ်ႁႂ်ႈတၢင်းၶႆႈတၢင်းပဵၼ်ၸိုၼ်ႈႁၢႆၼႂ်းဝၼ်းၸိူဝ်းၼၼ်ႉတႃႉ။ ၼႂ်းဝၼ်းၵမ်သိၼ်ၼႆႉယႃႇပေမႃးၶၢမ်ႇဢဝ်လႃးလႃး၊” ဝႃႈၼင်ႇၼႆဢေႃႈ။