Luke 14:21 — Compare Translations

2 translations compared side by side

ၵူၼ်းၸႂ်ႉၵူၼ်းသွႆၼၼ်ႉၶိုၼ်းမႃးလႄႈလဝ်ႊလၢတ်ႈလွင်ႈတၢင်းၸိူဝ်းၼၼ်ႉတီႈၸဝ်ႈမၼ်းဢေႃႈ။ မိူဝ်ႈၼၼ်ႉ ၸဝ်ႈႁိူၼ်းၼၼ်ႉၸႂ်မႆႈၶႆႈၸႃႉလႄႈ လၢတ်ႈတီႈၵူၼ်းၸႂ်ႉၵူၼ်းသွႆၼၼ်ႉလႄႈဝႃႈ၊ ၵႂႃႇၵႃႈတီႈၼႂ်းသဵၼ်ႈတၢင်းလူင် သဵၼ်ႈတၢင်းဢွၼ်ႇတင်းလၢႆ ၵႃႈၼႂ်းဝဵင်းၼႆႉၼၼ်ႉၶၼ်ၶၼ်ၽႂ်းၽႂ်းတႃႉ။ ႁွင်ႉဢဝ်ၶဝ်ၸိူဝ်းဢၼ်ယၢၵ်ႈဢၼ်ၽၢၼ်၊ ၶဝ်ၸိူဝ်းဢၼ်ဢၢင်ႇၵႃႇလူႉ၊ ၶဝ်ၸိူဝ်းဢၼ်တိၼ်ပုတ်း၊ ၶဝ်ၸိူဝ်းဢၼ်တႃမွတ်ႇတင်းလၢႆၸိူဝ်းၼၼ်ႉမႃးၵႃႈတီႈၼႆႈတႃႉ၊ ဝႃႈၼင်ႇၼႆဢေႃႈ။-

“လုၵ်ႈၸၢင်ႈမၼ်းၼၼ်ႉၶိုၼ်းမႃးလႄႈမွၵ်ႇလၢတ်ႈလွင်ႈတၢင်းၸိူဝ်းၼၼ်ႉတီႈပေႃႈလဵင်ႉမၼ်းဢေႃႈ။ ၸဝ်ႈပွႆးၼၼ်ႉၸႂ်မႆႈၶႂ်ႈၸႃႉလႄႈလၢတ်ႈတီႈလုၵ်ႈၸၢင်ႈမၼ်းၼၼ်ႉလႄႈဝႃႈ၊ ‘ၵႂႃႇၵႃႈတီႈသဵၼ်ႈတၢင်းလူင်၊တၢင်းဢွၼ်ႇ၊ၵူႈၵိဝ်ႇၵူႈငႅၵ်ႈၵႃႈၼႂ်းဝဵင်းၶၼ်ၶၼ်ၽႂ်းၽႂ်းလႄႈႁွင်ႉဢဝ်ၵူၼ်းယၢၵ်ႈၵူၼ်းၽၢၼ်၊ၵူၼ်းၶႃပုတ်းၶႃၶႄႉ၊ဢိၵ်ႇတင်းၵူၼ်းတႃမွတ်ႇတင်းလၢႆၸိူဝ်းၼၼ်ႉမႃးတႃႉ၊’ ဝႃႈၼင်ႇၼႆဢေႃႈ။-