Luke 6:17 — Compare Translations

2 translations compared side by side

မၼ်းၸဝ်ႈဢိၵ်ႇတင်းၶဝ်ၼၼ်ႉလူင်းသေၵႃႈၼိူဝ်လွႆမႃးလႄႈ ၸုၵ်းယူႇၵႃႈတီႈလိၼ်ပဵင်းဢေႃႈ။ မၼ်းၸဝ်ႈမီးတင်းတပႄးၸဝ်ႈၼမ်ၼႃႇ ဢိၵ်ႇတင်းၶဝ်ၸိူဝ်းဢၼ်လုၵ်ႉသေၵႃႈတီႈၸႃႉၸဵမ် ဝဵင်း ယေႇရူႉသလႅမ်ႇ တင်းမိူင်း ယူႉတႃႉ တင်းၵႃႈႁိမ်းၽင်ႇပၢင်ႇလၢႆႇ ဝဵင်း တူႉရူႉ တင်းဝဵင်း ၸီႉတုမ်ႇ ၵူႈတီႈၵူႈလႅၼ် မႃးႁႂ်ႈလႆႈထွမ်ႇလႆႈငိၼ်းတြႃးလႄႈ ၶၢမ်ႇတၢင်းဢၼ်တၢင်းၶႆႈတၢင်းပဵၼ်ၶဝ်ႁၢႆတင်းလၢႆၼၼ်ႉဢေႃႈ။-

မိူဝ်ႈဢၼ် ၸဝ်ႈယေႇသု၊ လူင်းလွႆမႃးၸွမ်းၵၼ်တင်းတမၢၼ်ႇၸဝ်ႈၸိူဝ်းသေလႄႈ မၼ်းၸဝ်ႈၸုၵ်းၵႃႈတီႈပၢင်ႇပဵင်းႁူမ်ႈလူၺ်ႈၵၼ်တင်းတပႄးၸဝ်ႈၼမ်ၼႃႇဢေႃႈ။ မူႇၵူၼ်းဢၼ်ၼမ်ၵိုၼ်းၼႃႇၸိူဝ်းဢၼ်လုၵ်ႉသေၵႃႈတီႈမိူင်း ယုတႃႉ၊ ဝဵင်း ယေႇရုသလႅမ်ႇ၊ တင်းဝဵင်းၸိူဝ်းဢၼ်မီးႁိမ်းသၢပ်ႇပၢင်ႇလၢႆႇဢၼ်ပဵၼ်ဝဵင်း တုရု၊ တင်းဝဵင်း ၸိတုၼ်ႇ၊ ၵူႈတီႈၵူႈလႅၼ်မႃးမီးယူႇၵႃႈတီႈၼၼ်ႈ၊-