Matthew 5:13 — Compare Translations

2 translations compared side by side

သူပဵၼ်ၵိူဝ်လေႃးၵႃႉၼႆႉဢေႃႈ။ ၵိူဝ်ၸမ်ႉ၊ ပေႃးဢၼ်ၸဵမ်းမၼ်းႁၢႆၵႂႃႇၸိုင်၊ တၵ်းၶိုၼ်းလႆႈဢၼ်ၸဵမ်းမၼ်းၸိူဝ်ႉၼင်ႇႁိုဝ်။ လိူဝ်သေတၢင်းဢၼ်ထိမ်ႈပႅတ်ႈၵႃႈၼွၵ်ႈလႄႈ ပိူၼ်ႈယဵပ်ႇပိူၼ်ႈၶၢမ်ႈၼၼ်ႉ၊ ဢမ်ႇပွင်ႇလွင်ႈၵႃႈသင်သေဢိတ်း။

“သူပဵၼ်မိူၼ်ၸိူဝ်ႉၼင်ႇၵိူဝ်ပုၼ်ႈၵူၼ်းၼႂ်းလေႃးၵႃႉၼႆႉဢေႃႈ။ ၵိူဝ်ၼႆႉပေႃးဢၼ်ၸဵမ်းမၼ်းႁၢႆၵႂႃႇၸိုင်၊ဢမ်ႇၸၢင်ႈၶိုၼ်းလႆႈဢၼ်ၸဵမ်းမၼ်းၼၼ်ႉထႅင်ႈယဝ်ႉ။ ဢမ်ႇပွင်ႇလွင်ႈၵႃႈသင်ယဝ်ႉလႄႈ၊ဢဝ်ထိမ်ႈပႅတ်ႈပႃႈၼွၵ်ႈႁႂ်ႈၵူၼ်းယဵပ်ႇၵူၼ်းၶၢမ်ႈၵူၺ်းယဝ်ႉဢေႃႈ။