Nehemiah 1:11 — Compare Translations

2 translations compared side by side

ထႃႇဝရႃႉၽြႃးတီႈၶႃႈ၊ ၶႅၼ်းတေႃႈဢဝ်ႁူၸဝ်ႈႁဝ်း ထွမ်ႇငိၼ်းၵႂၢမ်းပထၼႃႇဢၼ်ၶႃႈၸဝ်ႈႁဝ်းၼႆႉႁဵတ်း ဢိၵ်ႇတင်းၵႂၢမ်းပထၼႃႇဢၼ်ၶႃႈၸဝ်ႈႁဝ်းၶဝ် ဢၼ်ၶႂ်ႈရူဝ်ႇသေႇၵူဝ်ယမ် ၼႃႇမႃႉၸိုဝ်ႈသဵင်ၸဝ်ႈႁဝ်းၸိူဝ်းၼႆႉ ႁဵတ်းၼႆႉသေၵမ်းတီႈၶႃႈ။ ၶႅၼ်းတေႃႈပၼ်တၢင်းလီတီႈၶႃႈၸဝ်ႈႁဝ်းၼႆႉဝၼ်းမိူဝ်ႈၼႆႉသေၵမ်းတီႈၶႃႈ။ ၶႅၼ်းတေႃႈဢဵတ်းလူၸွႆႈထႅမ်ႁႂ်ႈလႆႈၼႃႈလႆႈတႃ ၵႃႈတီႈၽၢႆႇၼႃႈၵူၼ်းတင်းလၢႆၼႆႉသေၵမ်းတီႈၶႃႈ၊ ဝႃႈၼင်ႇၼႆဢေႃႈ။ မိူဝ်ႈၼၼ်ႉ ၵဝ်လႆႈပဵၼ်ၵေႃႉဢၼ်ယိပ်းၵွၵ်းၶုၼ်ႁေႃၶမ်းယူႇဢေႃႈ။

မိူဝ်ႈလဵဝ်ၼႆႉ၊ၶႅၼ်းတေႃႈထွမ်ႇငိၼ်းဢဝ်ၵႂၢမ်းပထၼႃႇၶႃႈၸဝ်ႈ၊ဢိၵ်ႇတင်းၵႂၢမ်းပထၼႃႇဢၼ်ၶႃႈၸဝ်ႈႁဝ်းၶဝ်ၸိူဝ်းဢၼ်ရူဝ်ႇသေႇၵူဝ်ယမ်ၸဝ်ႈႁဝ်းလႄႈသူးတွင်းၼႆႉၼၼ်ႉသေၵမ်းတီႈၶႃႈ။ ၶႅၼ်းတေႃႈပၼ်တၢင်းလီတီႈၶႃႈၸဝ်ႈႁဝ်းဝၼ်းမိူဝ်ႈၼႆႉသေလႄႈၶႅၼ်းတေႃႈႁႂ်ႈၸဝ်ႈမုၼ်ယႂ်ႇၶုၼ်ႁေႃၶမ်းမီးၸႂ်ၵရုၼႃႇတၢင်းဢၼ်ဢဵတ်းလူၶႃႈၸဝ်ႈႁဝ်းသေၵမ်းတီႈၶႃႈ၊” ဝႃႈၼင်ႇၼႆဢေႃႈ။ မိူဝ်ႈယၢမ်းၼၼ်ႉၵဝ်ပဵၼ်ၵေႃႉဢၼ်သၢၵ်ႈၵွၵ်းၼမ်ႉမၢၵ်ႇၸပိတ်ႉတီႈၸဝ်ႈမုၼ်ယႂ်ႇၶုၼ်ႁေႃၶမ်းယူႇဢေႃႈ။