Nehemiah 11:3 — Compare Translations

2 translations compared side by side

ၶဝ်ၸိူဝ်းၼႆႉပဵၼ်ၶဝ်ၸိူဝ်းဢၼ်ႁဵတ်းၶုၼ်ဢၼ်မီးဢရႃႇၵႃႈၼႂ်းဝၢၼ်ႈၼႂ်းမိူင်းလႄႈ ယူႇၵႃႈၼႂ်းဝဵင်း ယေႇရူႉသလႅမ်ႇ ဢေႃႈ။ ၵူၺ်းၵႃႈ ၵႃႈၼႂ်းဝၢၼ်ႈဝဵင်း ယူႉတႃႉ ၸိူဝ်းၼၼ်ႉၸိုင်၊ ၵူၼ်းတင်းသဵင်ႈတင်းလူင် ဢၼ်ဝႃႈၵူၼ်းမဵဝ်း ဢီႉသရေႇလႃႉ လႂ်၊ ယိတ်ႈပရေႃးႁဵၵ်ႈလႂ်၊ ၵူၼ်းမဵဝ်း လေႇဝီႉ လႂ်၊ ၶႃႈၽြႃးလႂ်၊ ၶဝ်ၸိူဝ်းဢၼ်ပဵၼ်ၶႃႈ သေႃးလမုၼ်ႇ လႂ်ၸိူဝ်းၼၼ်ႉ ဢွၼ်ၵၼ်ယူႇၵႃႈၼႂ်းဝၢၼ်ႈဝဵင်းတီႈဢၼ်ၶဝ်ထိူၵ်ႈပိူင်ႇႁင်းၽႂ်ႁင်းမၼ်းၼၼ်ႉဢေႃႈ။

ၵႃႈၼႂ်းတၢင်ႇဝၢၼ်ႈတၢင်ႇဝဵင်းတင်းလၢႆၸမ်ႉ၊ၵူၼ်းမဵဝ်း ဢိသရေး၊ လႂ်၊ယဵၸ်ႈပရေႃးႁဵၵ်ႈ လႂ်၊ၵူၼ်း လေႇဝိ၊ လႂ်၊ၶႃႈၸႂ်ႉၼႂ်းၵျွင်းပိၵ်ႈမၢၼ်ႇၸဝ်ႈလႂ်၊တင်းၸိူဝ်ႉၶိူဝ်းၶႃႈ သေႃးလမုၼ်ႇ၊ လႂ်ၸိူဝ်းၼၼ်ႉဢွၼ်ၵၼ်ယူႇသဝ်းၵႃႈၼႂ်းဝၢၼ်ႈဝဵင်းတီႈလိၼ်ဢၼ်ၶဝ်ပိူင်ႇႁင်းၽႂ်ႁင်းမၼ်းၼၼ်ႉဢေႃႈ။ ၶဝ်ၸိူဝ်းၼႆႉၸမ်ႉ၊ပဵၼ်ၶုၼ်တင်းလၢႆၵႃႈၼႂ်းၵူၼ်းဝၢၼ်ႈၵူၼ်းမိူင်း ယုတႃႉ၊ ဢၼ်ယူႇသဝ်းၵႃႈၼႂ်းဝဵင်း ယေႇရုသလႅမ်ႇ၊ ဢေႃႈ။