Nehemiah 12:44 — Compare Translations

2 translations compared side by side

ၼႂ်းဝၼ်းၼၼ်ႉ ၵွပ်ႈပိူဝ်ႈဢၼ်ၵူၼ်းမဵဝ်း ယူႉတႃႉ တင်းလၢႆ ဢွၼ်ၵၼ်မီးတၢင်းဢၼ်ၸူမ်းသိူဝ်းမူၼ်ႈပျေႃႇ ၵွပ်ႈပိူဝ်ႈယိတ်ႈပရေႃးႁဵၵ်ႈတင်း ၵူၼ်းမဵဝ်း လေႇဝီႉ ဢၼ်လႆႈပႂ်ႉဢမူႉၸဝ်ႈၸိူဝ်းၼၼ်ႉလႄႈ ၶဝ်ဢွၼ်ၵၼ်ၶၢၼ်းၵူၼ်းၵမ်ႈၽွင်ႈဝႆႉ ၵႃႈၼိူဝ်လုၵ်းတိူၵ်ႈၽၼ်ႇတႃႇတင်းလၢႆ ပုၼ်ႈၽၼ်ႇတႃႇလႂ်၊ ၶိူင်ႈပုၵ်ႈၸေႃႇဢၼ်ယုၵ်ႉယွင်ႈလႂ်၊ မၢၵ်ႇဢၼ်မၢၵ်ႇဢွၼ်တၢင်းလႂ်၊ သိပ်းပုၼ်ႈပုၼ်ႈၼိုင်ႈလႂ်ၸိူဝ်းၼၼ်ႉ ႁႂ်ႈလႆႈၸွမ်းလူၺ်ႈၼမ်ႉလိၼ်ဝၢၼ်ႈၼွၵ်ႈၼႃးပၢင်ႇသေလႄႈ သိမ်းဢဝ်ပုၼ်ႈဢဝ်တႃႇဢၼ်တြႃးၸဝ်ႈၸီႇယၢင်ႇဝႆႉ ပုၼ်ႈဢၼ်ယိတ်ႈပရေႃးႁဵၵ်ႈတင်းလၢႆ ဢိၵ်ႇတင်းၵူၼ်း လေႇဝီႉ တင်းလၢႆၸိူဝ်းၼၼ်ႉ ထုၵ်ႇၶၢမ်ႇထုၵ်ႇဢဝ်ၼၼ်ႉမႃးဢေႃႈ။-

ၼႂ်းဝၼ်းၼၼ်ႉၶဝ်ဢွၼ်ၵၼ်ၶၢၼ်းၵူၼ်းၵမ်ႈၽွင်ႈဝႆႉႁႂ်ႈဢုပ်ႉထိင်းတိူၵ်ႈၽၼ်ႇတႃႇၸဝ်ႈတင်းလၢႆ၊တီႈဢၼ်သိမ်းပႅင်းဢုၵ်ႉၸႃႇတၢင်းလူႇၵျွင်းပိၵ်ႈမၢၼ်ႇၸဝ်ႈလႂ်၊မၢၵ်ႇဢၼ်မၢၵ်ႇဢွၼ်တၢင်းလႂ်၊တၢင်းလူႇသိပ်းပုၼ်ႈပုၼ်ႈၼိုင်ႈလႂ်ၸိူဝ်းၼၼ်ႉဢေႃႈ။ ၶဝ်ၸိူဝ်းၼႆႉမီးပုၼ်ႈၽွၼ်းတႃႇတေၵဵပ်းတုင်းဢဝ်တၢင်းလူႇၵႃႈတီႈၼမ်ႉလိၼ်ဝၢၼ်ႈၼွၵ်ႈၼႃးပၢင်ႇႁႂ်ႈပဵၼ်ပုၼ်ႈပဵၼ်တႃႇယဵၸ်ႈပရေႃးႁဵၵ်ႈတင်းလၢႆ၊တင်းၵူၼ်း လေႇဝိ၊ တင်းလၢႆ၊ၸွမ်းၼင်ႇဢၼ်တြႃးၸဝ်ႈၸီႇယၢင်ႇဝႆႉၼၼ်ႉဢေႃႈ။ ၵူၼ်းမဵဝ်း ယုတႃႉ၊ တင်းလၢႆဢွၼ်ၵၼ်မီးတၢင်းဢၼ်ၸူမ်းသိူဝ်းမူၼ်ႈပျေႃႇလူၺ်ႈၵၼ်တင်းယဵၸ်ႈပရေႃးႁဵၵ်ႈတင်းၵူၼ်း လေႇဝိ၊ ၸိူဝ်းၼၼ်ႉ။-