Nehemiah 13:19 — Compare Translations

2 translations compared side by side

မိူဝ်ႈဢၼ်ၸႃႉငႃလပ်းသိင်ႇဝွၼ်ႉဝႅၼ်ႉတီႈၽၵ်းတူဝဵင်း ယေႇရူႉသလႅမ်ႇ တင်းလၢႆ ၼႂ်းဝၼ်းၽိတ်ႈၼၼ်ႉၸိုင်၊ ၵဝ်ၸီႇယၢင်ႇႁႂ်ႈဢိုတ်းႁပ်းၽၵ်းတူၸိူဝ်းၼၼ်ႉဝႆႉလႄႈ မီးဢမိင်ႉဝႆႉႁႂ်ႈဢမ်ႇလႆႈၽုၺ်ႇ တေႃႇထိုင်ႁွတ်ႈထၼ်ႈပေႃးပူၼ်ႉဝၼ်းၵမ်သိၼ်ၼၼ်ႉသေလႄႈ ၶၢၼ်းၶႃႈၵူၼ်းၵဝ်ၵမ်ႈၽွင်ႈဝႆႉ ၵႃႈတီႈၽၵ်းတူၸိူဝ်းၼၼ်ႉ ႁႂ်ႈဢမ်ႇလႆႈဢဝ်ၶူဝ်းႁၢပ်ႇၶူဝ်းပႃး ၶဝ်ႈၵႃႈၼႂ်းဝဵင်းၼႂ်းဝၼ်းၵမ်သိၼ်ဢေႃႈ။-

ပိူဝ်ႈၼႆလႄႈ ၵဝ်ပူင်ဢမိင်ႉႁႂ်ႈဢိုတ်းႁပ်းၽၵ်းတူတင်းလၢႆမိူဝ်ႈဢၼ်တႄႇၸႃႉလပ်းသိင်ႇဝွၼ်းဝႅင်းၼႂ်းဝၼ်းၽိတ်ႈလႄႈဢမ်ႇႁႂ်ႈၽုၺ်ႇၽၵ်းတူဝဵင်းတေႃႇထိုင်ႁွတ်ႈဝၢႆးဝၼ်းၵမ်သိၼ်ဢေႃႈ။ ၵဝ်ၶၢၼ်းၵူၼ်းၵမ်ႈၽွင်ႈဝႆႉၵႃႈတီႈၽၵ်းတူဝဵင်းတင်းလၢႆ ဢမ်ႇႁႂ်ႈလႆႈဢဝ်ဢီႈသင်သေၸိူဝ်ႉသေပိူင်ၶဝ်ႈၵႃႈၼႂ်းဝဵင်းၼႂ်းဝၼ်းၵမ်သိၼ်ဢေႃႈ။-