Nehemiah 9:11 — Compare Translations

2 translations compared side by side

ၸဝ်ႈႁဝ်းၽႃႇၼမ်ႉပၢင်ႇလၢႆႇ ၵႃႈတီႈၽၢႆႇၼႃႈၶဝ်ၼၼ်ႉ ႁႂ်ႈၶဝ်ၼၼ်ႉ လႆႈပႆၵႂႃႇၵႃႈၼိူဝ်လိၼ် ၵႃႈၼႂ်းၵၢင်ပၢင်ႇလၢႆႇတီႈၶႃႈဢေႃႈ။ ၶဝ်ၸိူဝ်းဢၼ်လိုပ်ႈၸွမ်းလမ်းၸွမ်းၸိူဝ်းၼၼ်ႉၸမ်ႉ၊ ၸဝ်ႈႁဝ်းဢဝ်ထိမ်ႈတူၵ်းသႂ်ႇၵႃႈၼႂ်းၼမ်ႉဢၼ်လိုၵ်ႉဢၼ်လမ်ႇၼၼ်ႉ မိူၼ်ၸိူဝ်ႉၼင်ႇဢၼ်ဢဝ်မၢၵ်ႇႁိၼ်ထိမ်ႈတူၵ်းသႂ်ႇၵႃႈၼႂ်းၼမ်ႉ ဢၼ်ယႂ်ႇၼႃႇၼၼ်ႉတီႈၶႃႈဢေႃႈ။-

ၸဝ်ႈႁဝ်းၽႃႇၼမ်ႉပၢင်ႇလၢႆႇႁႂ်ႈပဵၼ်သဵၼ်ႈတၢင်းပုၼ်ႈၶဝ်လႄႈ ႁႂ်ႈၶဝ်ပႆၽႃႇလတ်းၵႂႃႇၵႃႈၼိူဝ်လိၼ်ႁႅင်ႈတီႈၶႃႈဢေႃႈ။ ၶဝ်ၸိူဝ်းဢၼ်လိုပ်ႈၸွမ်းလမ်းၸွမ်းၸိူဝ်းၼၼ်ႉၸမ်ႉ၊ လႆႈတူၵ်းတၢႆၵႃႈၼႂ်းၼမ်ႉဢၼ်လိုၵ်ႉလိုၵ်ႉ မိူၼ်ၸိူဝ်ႉၼင်ႇဢၼ်မၢၵ်ႇႁိၼ်တူၵ်းသႂ်ႇၵႃႈၼႂ်းၼမ်ႉသမ်ႇမုၵ်ႈတြႃႇၼၼ်ႉတီႈၶႃႈဢေႃႈ။