Nehemiah 9:26 — Compare Translations

2 translations compared side by side

ၵူၺ်းၵႃႈ ၶဝ်ဢမ်ႇထွမ်ႇဢမ်ႇဢဝ် ဢမိင်ႉၸဝ်ႈလႄႈ ပုင်ႇၵၢၼ်ႇၸဝ်ႈႁဝ်းသေလႄႈ ဢဝ်တြႃးၸဝ်ႈႁဝ်းပႅတ်ႈဝႆႉ ၵႃႈတီႈၽၢႆႇတၢင်းလင်ၶဝ်သေတီႈၶႃႈဢေႃႈ။ ၶဝ်ဢွၼ်ၵၼ်ဢဝ်ပရေႃးၽႅတ်ႈၸဝ်ႈႁဝ်း ဢၼ်သင်ႇသွၼ်သုင်းမႃႉပၼ်ၶဝ် ႁႂ်ႈၶဝ်ၶိုၼ်းမႃးၸူးတီႈၸဝ်ႈႁဝ်းၸိူဝ်းၼၼ်ႉတၢႆလႄႈ ႁဵတ်းတၢင်းဢၼ်ၽိတ်းပိူင်ႈၸဝ်ႈႁဝ်းၼႃႇလူင်လၢင်တီႈၶႃႈဢေႃႈ။-

ၵူၺ်းၵႃႈ၊ၵူၼ်းၸဝ်ႈႁဝ်းၸိူဝ်းၼၼ်ႉလုၵ်ႉၽိုၼ်ႉလႄႈၶဝ်ဢမ်ႇထွမ်ႇဢမ်ႇဢဝ်ၵႂၢမ်းၸဝ်ႈႁဝ်း၊ ဢဝ်တြႃးၸဝ်ႈႁဝ်းပႅတ်ႈဝႆႉၵႃႈတီႈၽၢႆႇတၢင်းလင်ၶဝ်တီႈၶႃႈဢေႃႈ။ ၶဝ်ဢဝ်တၢႆပရေႃးၽႅတ်ႈ ၸိူဝ်းဢၼ်ပၼ်သတိတီႈၶဝ်ႁႂ်ႈၶဝ်ဝၢႆႇၶိုၼ်းၸူးတီႈၸဝ်ႈႁဝ်းၼၼ်ႉလႄႈ ၶဝ်ႁဵတ်းၽိတ်းပိူင်ႈၸဝ်ႈႁဝ်းၼႃႇလူင်လၢင်ဢေႃႈ။