Numbers 1:13 — Compare Translations

2 translations compared side by side

တီႈမဵဝ်း ဢႃႇသႃႇ၊ ပႃႇၵျေႇလႃႉ လုၵ်ႈၸၢႆး ဢွၵ်ႉရၼ်ႇ ၊-

ၵူၼ်းမဵဝ်းၶိူဝ်းႁိူၼ်းလေႇဝိ၊တင်းလၢႆၸိုင်၊ဢမ်ႇလႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉ။- 48လွင်ႈမၼ်းၸမ်ႉ၊ထႃႇဝရႃႉၽြႃး၊မီးဢမိင်ႉတီႈမူဝ်းသေႇ၊ဝႆႉယဝ်ႉလႄႈဝႃႈၸမ်ႉ၊- 49“မိူဝ်ႈဢၼ်မႂ်းၵဵပ်းၸရၢင်းၵူၼ်းမိူင်းဢၼ်ပဵၼ်ၵူၼ်းၸၢႆးလႄႈတိုၵ်းသိုၵ်းလႆႈၸိူဝ်းၼၼ်ႉဢမ်ႇလႆႈၼပ်ႉဢၢၼ်ႇႁႂ်ႈၵူၼ်းမဵဝ်းၶိူဝ်းႁိူၼ်းလေႇဝိ၊လႆႈၶဝ်ႈပႃးၼႂ်းၸရၢင်းၼၼ်ႉ။- 50မႂ်းတၵ်းလႆႈယုၵ်ႉတၢင်ႇၵူၼ်းမဵဝ်းလေႇဝိ၊ၸိူဝ်းၼၼ်ႉႁႂ်ႈၶဝ်ပႂ်ႉထိင်းသုမ်ႉထဵင်ၸဝ်ႈလႄႈႁႂ်ႈၶဝ်ႁၢမ်သုမ်ႉထဵင်ၸဝ်ႈ၊ဢိၵ်ႇတင်းၶိူင်ႈပိူင်မၼ်းသေလႄႈပွင်ႁဵတ်းၼႃႈၵၢၼ်သုမ်ႉထဵင်ၸဝ်ႈဢေႃႈ။ ႁႂ်ႈၶဝ်ၶျႃးပၢင်တပ်ႉၶဝ်ယူႇလဵပ်ႈႁွပ်ႈသုမ်ႉထဵင်ၸဝ်ႈတႃႉ။- 51ၼႂ်းမိူဝ်ႈဢၼ်ထိုင်ၶိင်ႇၶၢႆႉပၢင်တပ်ႉမိူဝ်ႈလႂ်တၼ်းလႂ်သေဢမ်ႇဝႃႈ၊ၵူၼ်းမဵဝ်းလေႇဝိ၊ၸိူဝ်းၼၼ်ႉတၵ်းလႆႈၵူႈလႆႈသိမ်းသုမ်ႉထဵင်ၸဝ်ႈလႄႈၶိုၼ်းတင်ႈၶိုၼ်းပူၵ်းၵႃႈတီႈပၢင်တပ်ႉမႂ်ႇမႂ်ႇၼၼ်ႉၵူႈပွၵ်ႈဢေႃႈ။ ၵေႃႉဢၼ်ပဵၼ်ၵူၼ်းၶိူဝ်းတၢင်ႇၸိူဝ်ႉတၢင်ႇမဵဝ်းၼၼ်ႉပေႃးသုတ်ႉၸပ်းသုတ်ႉၸူးတီႈသုမ်ႉထဵင်ၸဝ်ႈၸိုင်၊တၵ်းလႆႈၶၢမ်ႇတၢင်းဢၼ်ဢဝ်တၢႆဢေႃႈ။- 52ၵူၼ်းမဵဝ်းဢိသရေး၊ဢၼ်ပဵၼ်ၶိူဝ်းႁိူၼ်းတၢင်ႇမဵဝ်းၸိူဝ်းၼၼ်ႉတၵ်းလႆႈၶျႃးပၢင်တပ်ႉၶဝ်ပဵၼ်မူႇၽႂ်မူႇမၼ်းၸွမ်းလူၺ်ႈၶိူဝ်းႁိူၼ်းၶဝ်ႁင်းၽႂ်ႁင်းမၼ်းၵႃႈႁိမ်းလၢမ်ႇတပ်ႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇႁင်းၽႂ်ႁင်းမၼ်းဢေႃႈ။- 53ၵူၺ်းၵႃႈ၊ၵူၼ်းမဵဝ်းလေႇဝိ၊ၸိူဝ်းၼၼ်ႉတၵ်းလႆႈၶျႃးပၢင်တပ်ႉလဵပ်ႈႁွပ်ႈသုမ်ႉထဵင်ၸဝ်ႈႁႂ်ႈလႆႈႁႄႉၶႅၼ်သုမ်ႉထဵင်ၸဝ်ႈ၊ပုၼ်ႈလွင်ႈၼင်ႇႁိုဝ်ၽူႈလႂ်သေၵေႃႉသေၵူၼ်းတၵ်းဢမ်ႇလႆႈသုတ်ႉၸပ်းသုတ်ႉၸူးမႃးလႄႈႁဵတ်းႁႂ်ႈတၢင်းၸႂ်မႆႈၶႂ်ႈၸႃႉၸဝ်ႈဢွၵ်ႇသေယဝ်ႉ၊ပၼ်ၽေးဢုပၢတ်ႈတီႈၵူၼ်းမဵဝ်းဢိသရေး၊ၼၼ်ႉဢေႃႈ။-” 54ၼင်ႇၼၼ်လႄႈၵူၼ်းမဵဝ်းဢိသရေး၊တင်းလၢႆဢွၼ်ၵၼ်ႁဵတ်းၸွမ်းၵႃႈၼင်ႇဢၼ်ထႃႇဝရႃႉၽြႃး၊သင်ႇလၢတ်ႈဝႆႉတီႈမူဝ်းသေႇ၊ၼၼ်ႉဢေႃႈ။