Numbers 20:12 — Compare Translations

2 translations compared side by side

ထႃႇဝရႃႉၽြႃးမီးဢမိင်ႉတီႈ မူဝ်းသေႇ တင်း ဢႃႇရုၼ်ႇ လႄႈဝႃႈ၊ ၵွပ်ႈပိူဝ်ႈဢၼ်သူယင်းဢမ်ႇယုမ်ႇမၢတ်ႈၵဝ်လႄႈ ႁဵတ်းႁႂ်ႈတၢင်းဢၼ်ၵဝ်မူတ်းၸၢင်ႇၼၼ်ႉ ထၢင်ႇသႃးသိုဝ်ႈၼႃႈတႂ်ႈတႃၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉလႄႈ၊ သူဢမ်ႇလႆႈဢၶႂၢင်ႉဢၼ်လႆႈဢဝ်ပရဵၵ်ႈသၢတ်ႈၼႆႉ ၵႂႃႇသူင်ႇၵႃႈတီႈမိူင်းဢၼ် ၵဝ်ပၼ်တီႈၶဝ်ၼၼ်ႉ ဝႃႈၼင်ႇၼႆဢေႃႈ။-

ထႃႇဝရႃႉၽြႃး၊ မီးဢမိင်ႉတီႈ မူဝ်းသေႇ၊ တင်း ဢႃႇရုၼ်ႇ၊ လႄႈဝႃႈ၊ “ၵွပ်ႈပိူဝ်ႈသူယင်းဢမ်ႇမီးၸႂ်ဢၼ်ယုမ်ႇမၢတ်ႈၵဝ်ပိူဝ်ႈတေႁႂ်ႈတၼ်းၶူဝ်းၵဝ်ဢၼ်မူတ်းၸၢင်ႇၼၼ်ႉထၢင်ႇသႃးသိုဝ်ႈၼႃႈတႂ်ႈတႃၵူၼ်းမဵဝ်း ဢိသရေး၊ တင်းလၢႆၼၼ်ႉလႄႈ၊သူတၵ်းဢမ်ႇလႆႈဢၶႂၢင်ႉဢၼ်လႆႈဢွၼ်ၶဝ်ၸိူဝ်းၼႆႉသူင်ႇၶဝ်ႈၵႂႃႇၵႃႈၼႂ်းမိူင်းဢၼ်ၵဝ်တၵ်းပၼ်တီႈၶဝ်ၼၼ်ႉယဝ်ႉ၊” ဝႃႈၼင်ႇၼႆဢေႃႈ။